ಈ ವಿಶ್ವಕಪ್ಪಿನ ತೊಡಕಿನ ಗುಂಪು ಯಾವುದು?

– ರಗುನಂದನ್.

ಹಿಂದಿನ ಬರಹದಲ್ಲಿ ಪಿಪಾ(FIFA) ಹೊರಹಾಕಿರುವ ವಿಶ್ವಕಪ್ ಡ್ರಾ ಗಳನ್ನು ನೋಡಿದೆವು. ಈಗ ಒಂದೊಂದು ಗುಂಪಿನೊಳಗೆ ಯಾವ ಬಗೆಯ ಪಯ್ಪೋಟಿ ಏರ್‍ಪಡಬಹುದು ಎಂಬುದನ್ನು ನೋಡೋಣ. ಕಾಲ್ಚೆಂಡು ತಿಳಿವಿಗರು(Football Pundits) ಸಾಮಾನ್ಯವಾಗಿ ಯಾವುದೇ ದೊಡ್ಡ ಮಟ್ಟದ ಕಾಲ್ಚೆಂಡು ಕೂಟದ ಡ್ರಾಗಳು ಹೊರಬಿದ್ದಮೇಲೆ ಆ ಗುಂಪುಗಳಲ್ಲಿ ಹೆಚ್ಚು ತೊಡಕಾಗಿರುವ ಗುಂಪನ್ನು ಗುರುತಿಸುತ್ತಾರೆ. ಅದಕ್ಕೆ ಅವರು ಗ್ರೂಪ್ ಆಪ್ ಡೆತ್ (group of death) ಎಂದು ಹೆಸರಿಸುತ್ತಾರೆ. ಅಂದರೆ ಈ ಗುಂಪಿನಲ್ಲಿ ಹೆಚ್ಚು ಬಲವಾದ ತಂಡಗಳು ಆಡುತ್ತವೆ ಮತ್ತು ಎಶ್ಟೇ ಬಲಶಾಲಿಯಾಗಿದ್ದರೂ ಆ ತಂಡಗಳಿಗೆ ಮುಂದಿನ ಹಂತಕ್ಕೆ ಹೋಗುವುದೇ ಒಂದು ತೊಡಕಾಗಿ ಮಾರ್‍ಪಡಬಹುದು. ಕನ್ನಡದಲ್ಲಿ ಇದಕ್ಕೆ ತೊಡಕಾದ ಗುಂಪು ಎಂದು ಹೆಸರಿಸೋಣ. ಈ ಸಲಿಯ ವಿಶ್ವಕಪ್ಪಿನಲ್ಲಿ ತೊಡಕಾದ ಗುಂಪು ಯಾವುದು ಮತ್ತು ಅದನ್ನು ಹೇಗೆ ಗುರುತಿಸುತ್ತಾರೆ ಎಂದು ನೋಡೋಣ.

ಮೊದಲಿಗೆ FIFA ಒಕ್ಕೂಟವು ಕೊಟ್ಟಿರುವ ಸ್ತಾನ(Ranking) ಗಳು ಮತ್ತು ಗಳಿಸಿರುವ ಅಂಕಗಳನ್ನು ನೋಡೋಣ. ಕ್ರಿಕೆಟ್ಟಿನಲ್ಲಿ ಹೇಗೆ ತಂಡಗಳಿಗೆ ಸ್ತಾನ ಮತ್ತು ಅಂಕಗಳು ಕೊಡಲಾಗುತ್ತೋ ಅದೇ ಬಗೆಯಲ್ಲಿ ಕಾಲ್ಚೆಂಡಿನಲ್ಲಿಯೂ ತಂಡಗಳಿಗೆ ಸ್ತಾನಗಳನ್ನು ಕೊಡಲಾಗುತ್ತೆ. ಇದು ಆ ತಂಡಗಳ ಇದುವರೆಗಿನ ಸಾದನೆಯ ಮೇಲೆ ಕೊಡಲಾಗಿದೆ.

A ಗುಂಪು	ಸ್ತಾನ/ಅಂಕ	B ಗುಂಪು	ಸ್ತಾನ/ಅಂಕ	C ಗುಂಪು	ಸ್ತಾನ/ಅಂಕ	D ಗುಂಪು	ಸ್ತಾನ/ಅಂಕ
ಬ್ರೆಜಿಲ್	10/1102	ಸ್ಪೇನ್	1/1507	ಕೊಲಂಬಿಯಾ	4/1200	ಉರುಗ್ವೆ	6/1132
ಕ್ರೊವೇಶಿಯಾ	16/971	ಹಾಲೆಂಡ್	9/1106	ಗ್ರೀಸ್	12/1055	ಕೋಸ್ಟಾ ರಿಕಾ	31/738
ಮೆಕ್ಸಿಕೊ	20/892	ಚಿಲಿ	15/1014	ಅಯ್.ಕೋಸ್ಟ್	17/918	ಇಂಗ್ಲೆಂಡ್	13/1041
ಕ್ಯಾಮರೂನ್	51/612	ಆಸ್ಟ್ರೇಲಿಯಾ	59/564	ಜಪಾನ್	48/638	ಇಟಲಿ	7/1120
ಒಟ್ಟು	97/3577	ಒಟ್ಟು	84/4191	ಒಟ್ಟು	81/3811	ಒಟ್ಟು	57/4031
E ಗುಂಪು	ಸ್ತಾನ/ಅಂಕ	F ಗುಂಪು	ಸ್ತಾನ/ಅಂಕ	G ಗುಂಪು	ಸ್ತಾನ/ಅಂಕ	H ಗುಂಪು	ಸ್ತಾನ/ಅಂಕ
ಸ್ವಿಟ್ಜರ್‍ಲ್ಯಾಂಡ್	8/1113	ಅರ್‍ಜೆಂಟೀನ	3/1251	ಜರ್‍ಮನಿ	2/1318	ಬೆಲ್ಜಿಯಮ್	11/1098
ಇಕ್ವೆಡಾರ್	23/852	ಹೆರ್‍ಜಿಗೋವಿನ	21/886	ಪೋರ್‍ಚುಗಲ್	5/1172	ಆಲ್ಜೀರಿಯಾ	26/800
ಪ್ರಾನ್ಸ್	19/893	ಇರಾನ್	45/650	ಗಾನಾ	24/849	ರಶ್ಯಾ	22/870
ಹೊಂಡುರಾಸ್	41/688	ನಯ್ಜೀರಿಯಾ	36/710	ಯು.ಎಸ್.ಎ	14/1019	ಕೊರಿಯಾ	54/577
ಒಟ್ಟು	91/3546	ಒಟ್ಟು	105/3497	ಒಟ್ಟು	45/4358	ಒಟ್ಟು	113/3345

ಮೇಲಿನ ಎಂಟು ಗುಂಪುಗಳ ಪಟ್ಟಿಯನ್ನು ನೋಡಿದರೆ ಮೊದಲಿಗೆ ಕಾಣುವುದು G ಗುಂಪು. ಕಡು ಹೆಚ್ಚು ಅಂಕಗಳನ್ನು ಹೊಂದಿರುವ ಈ ಗುಂಪಿನಲ್ಲಿ ಜರ್‍ಮನಿ ಮತ್ತು ಪೋರ್‍ಚುಗಲ್ ಮುಂದಿನ ಹಂತಕ್ಕೆ ಹೋಗಬಹುದು. ಆದರೆ ಯು.ಎಸ್.ಎ ಅದನ್ನು ತಡೆದೀತೇ ಎಂಬುದನ್ನು ಕಾದುನೋಡಬೇಕು.

ಬಳಿಕ ಕಾಣುವುದು B ಗುಂಪು. ಇಲ್ಲಿ ಮೂರು ಬಲಶಾಲಿ ತಂಡಗಳಿವೆ. ಸ್ಪೇನ್-ಹಾಲೆಂಡ್ ಸೆಣಸಾಟ ಕಳೆದ ವಿಶ್ವಕಪ್ಪಿನ ಕಡೆಯಾಟ(Final) ಮತ್ತೆ ಮರುಕಳಿಸಲಿದೆ. ಚಿಲಿ ಕೂಡ ಒಳ್ಳೆ ತಂಡವೇ ಆಗಿದೆ. D ಗುಂಪಿನಲ್ಲಿ ಇರುವ ಬಲಶಾಲಿ ತಂಡಗಳು ಉರುಗ್ವೆ, ಇಂಗ್ಲೆಂಡ್ ಮತ್ತು ಇಟಲಿ. ಇಂಗ್ಲೆಂಡ್ ತಂಡಕ್ಕೆ ಜಗತ್ತಿನಲ್ಲಿ ಹೆಚ್ಚು ಅಬಿಮಾನಿಗಳಿದ್ದು ಈ ಗುಂಪನ್ನು ನೋಡಿದ ಬಳಿಕ ಇಂಗ್ಲೆಂಡ್ ಮುಂದೆ ಹೋಗಬಲ್ಲುದೆ ಎಂಬ ದೊಡ್ಡ ಪ್ರಶ್ನೆ ಕಾಡಿದೆ.

ಮುಂದಿನ ಬರಹದಲ್ಲಿ ಒಂದೊಂದು ಎಲ್ಲಾ ಗುಂಪುಗಳ ತೆರಹುಗಳ(chances) ಬಗ್ಗೆ ಒಂದು ಕಣ್ಣಾಡಿಸೋಣ.

(ಚಿತ್ರಸೆಲೆ: brazilfifaworldcup2014.com)