ಕಳಚಿ ಬಿತ್ತು 2014 ರ ಕೊಂಡಿ

– ಸಂತೋಶ್ ಇಗ್ನೇಶಿಯಸ್.

ಹುಸಿ ಬದುಕಿನ ಹಸಿ ಹಸಿ ನೆನಪು
ಕೊಳೆತು ನಾರುತಿತ್ತು ಹದಿನಾಲ್ಕು
ಸಲುಬೆಯಲ್ಲಿ ಸಿಲುಕಿ ಸತ್ತು ಹೋಯಿತು
ಕಳಚಿ ಬಿಡು ಇಪ್ಪತ್ತರ ಕೊಂಡಿಯಿಂದ
ಕೊನೇಪಕ್ಶ ಮರೆತು ಬಿಡು ಇನ್ನಾದರೂ
ಹದಿಹರಯ ಹದಿನಾಲ್ಕರ ಸಹವಾಸ

ರಕ್ತ ಕೆಸರಲಿ ನೆಟ್ಟ ಬಾಂಬ್ ಸಿಡಿದು
ಬಿಳಿಯ ಗೋಡೆಗೆ ಮೊಳೆಯ ಜಡಿದು
ನೇತು ಹಾಕಿತು ಮಕ್ಕಳನು
ಹದಿಹರಯ ಹದಿನಾಲ್ಕು

ಪುಕ್ಕ ಕಿತ್ತುಕೊಂಡು ಲೋಹದ ಹಕ್ಕಿ
ಹೆಕ್ಕಲು ಸಿಕ್ಕದೆ ಪಾತಾಳ ನುಂಗಿ
ಪದೇ ಪದೇ ಮಾಯವಾಗುತಿದೆ
ದುರಂತ ಸಾಗರದೊಳಗೆ ಹೊಕ್ಕಿ

ನೆಲಕೆರೆದರು ಗಣಿ ಸಿಗಲಿಲ್ಲ
ಕಾಲುಕೆರೆದುದರಿಂದ ಕಲಾಪವು ನಡೆಯಲಿಲ್ಲ
ಅಮೂಲ್ಯಗಳಿಗೆ ಕ್ಯಾಂಡಿ ಕ್ರಶ್ನಲ್ಲಿ ಹರಣವಾಯಿತು
ಸಮಸ್ಯೆಗಳಿಗೆ ಹೊಸ ಸರ‍್ಕಾರವು ಅಂತಿಮ ಸಂಸ್ಕಾರ ನಡೆಸಲಿಲ್ಲ

ಅವನತಿಯಲ್ಲಿದ್ದ ‘ಆದಾರ‍್’ ಜೀವಪಡೆದಿದೆ
ಮೋದಿಯೇ ಆದಾರಸ್ತಂಬ ಎಂದು ದೇಶ ನಂಬಿದೆ
ಪಿಲಂ ಪಿ ಕೆ ಅಬ್ಬರ ಜೋರು
ಚಾರ‍್ಮುಡಿ ಗಾಟು ರಸ್ತೆ ಚೂರು ಚೂರು

ಅದೆಲ್ಲಿತ್ತೊ ಗಾಟು ಗಬ್ಬೆಂದು
ಗುದ್ದಿ ಬಂತು ಮಂಡೂರಿನಿಂದ
ಹಸಿರು ನಾಡು ಬೆಂಗಳೂರಿನ ಉಸಿರು ಹೆಸರು
ಹಾಳು ಹಾಳು ಪರದಾಟ ಗೋಳು

ತಪ್ಪು ಮಾಡಬೇಡಿ ಕಂದಮ್ಮಗಳಿರಾ
ಎಂದ ಶಾಲೆಗಳೇ ಒಂದೊಂದಾಗಿ
ಹಿಡಿದು ಕಂದಮ್ಮಗಳನ್ನೇ ನೆಕ್ಕಿಬಿಟ್ಟವು
ಕೆಮ್ಮಿದ್ದಾಯಿತು ಕಕ್ಕಿದ್ಡಾಯಿತು
ಚೀ ತೂ…. ಪಾಪಿಗಳ ಲೋಕ
ಮರೆತು ಬಿಡು ಇನ್ನಾದರೂ ಈ ಹದಿನಾಲ್ಕ

(ಚಿತ್ರ ಸೆಲೆ:  good-wallpapers.com )