ಮತ್ತದೇ ಕನಸಿನ ಹೊದಿಕೆ

– ಸಿಂದು ಬಾರ‍್ಗವ್.

ಜೀವನದ ಸಂತೆಯಲಿ
ಕೊಂಡುಕೊಳ್ಳದೇ ಉಳಿದಿರುವ ಬಾವನೆಗಳು
ಮಾರಲಾಗದೇ ಕುಳಿತಿರುವ ಪ್ರೀತಿಗಳು

ಕೊಳೆತು ಹೋದ ಕನಸುಗಳು
ಬಾಡಿಹೋದ ಚಡಪಡಿಕೆಗಳು

ರಾಶಿಯಲಿ ಬೆಂದುಹೋದ ಬಿಸಿಕಣ್ಣೀರು
ಆಗಾಗ ಮನಸಿಗೆ ಮಳೆಯ ಪನ್ನೀರು

ಅರೆಬರೆ ನೋಟ ಬೀರುವ ಕೊಳ್ಳುಬಾಕ
ಮಾನ ಮುಚ್ಚಿಕೊಳ್ಳುವ ವ್ಯಾಪಾರಿಗ

ಹೊಗೆದೂಳು ಬರಿತ ಹಸಿವಿನ ಬುತ್ತಿ
ಕಸಿದು ತಿನ್ನುತಿವೆ ಕಾಗೆಗಳು ಕುತ್ತಿಕುತ್ತಿ

ನಿಂತಲ್ಲೆ ನಿದಿರೆ
ಮತ್ತದೇ ಕನಸಿನ ಹೊದಿಕೆ

( ಚಿತ್ರ ಸೆಲೆ: newhdwallpaper.in )