ಚುರುಮುರಿ ಉಂಡೆ

– ಸವಿತಾ.

ಬೇಕಾಗುವ ಸಾಮಾನುಗಳು

• ಚುರುಮುರಿ – 2 ಲೀಟರ್
• ಬೆಲ್ಲ – 1/4 ಕಿಲೋ
• ಒಣ ಕೊಬ್ಬರಿ ತುರಿ – 3 ಚಮಚ
• ಹುರಿಗಡಲೆ ಹಿಟ್ಟು – 3 ಚಮಚ
• ಗಸಗಸೆ – 1 ಚಮಚ
• ಏಲಕ್ಕಿ – 2
• ಲವಂಗ – 2

ಮಾಡುವ ಬಗೆ

ಬೆಲ್ಲ ಪುಡಿ ಮಾಡಿ ಸ್ವಲ್ಪ ನೀರು ಹಾಕಿ ಒಲೆಯ ಮೇಲಿಟ್ಟುಕೊಳ್ಳಿ. ಎಳೆ ಬರುವಂತೆ ಪಾಕ ಮಾಡಿ ಒಲೆಯಿಂದ ಇಳಿಸಿ ಆರಲು ಬಿಡಿ. ಪಾಕಕ್ಕೆ ಒಣ ಕೊಬ್ಬರಿ ತುರಿ, ಹುರಿಗಡಲೆ ಹಿಟ್ಟು, ಗಸಗಸೆ ಮತ್ತು ಏಲಕ್ಕಿ-ಲವಂಗ ಪುಡಿ ಮಾಡಿ ಸೇರಿಸಿ. ಚುರುಮುರಿ ಹಾಕಿ ಚೆನ್ನಾಗಿ ಕಲಸಿ, ಉಂಡೆ ಕಟ್ಟಿಕೊಳ್ಳಿ. ರುಚಿಯಾದ ಪುರಿ ಅತವಾ ಚುರುಮುರಿ ಉಂಡೆ ಸವಿಯಿರಿ.

(ಚಿತ್ರ ಸೆಲೆ: ಸವಿತಾ)