ಕವಿತೆ : ಇರಬಾರದೆ ಗೆಳತಿ ಸುಮ್ಮನಿರಬಾರದೆ…

– ವಿನು ರವಿ.

ಇರಬಾರದೆ ಗೆಳತಿ
ಸುಮ್ಮನಿರಬಾರದೆ
ಕಾಡದೆ ಕೆಣಕದೆ
ಇರಬಾರದೆ ಗೆಳತಿ
ಸುಮ್ಮನಿರಬಾರದೆ

ಸನಿಹದಲಿ ನೀ ಕುಳಿತು
ಮ್ರುದುವಾಗಿ ಬೆರಳುಗಳ ನುಲಿದು
ಮದುರ ಮಾತುಗಳ ನುಡಿದು
ಕವಿತೆಯೊಂದ ಕಟ್ಟಿ ಹಾಡುತಾ
ಕಾಡುತಿರುವೆ ಏಕೆ ಗೆಳತಿ
ಇರಬಾರದೆ ಸುಮ್ಮನಿರಬಾರದೆ

ಹೂಬನದಲಿ ಹೂವಾಗಿ
ತೊರೆಯ ದಡದಲಿ ಹಸಿರಾಗಿ
ಆಗಸದ ನೀಲ ಬಣ್ಣವಾಗಿ
ಕರಗಿ ಹೋಗುವಾ ಆಸೆ ಎಂದು
ಬಯಕೆಯಾ ನುಡಿಯದೇ
ಇರಬಾರದೆ ಸುಮ್ಮನಿರಬಾರದೆ

ಬೇಸರದ ಚಿಟ್ಟೆಯ ಹಾರಿಸಿ
ಪ್ರೀತಿಯ ನಗುವ ತುಳುಕಿಸಿ
ಉಲ್ಲಾಸದ ಹೂ ಬಿಸಿಲಲಿ
ಸುಂದರ ಕ್ಶಣಗಳ ಕಟ್ಟಿ ಹಿಡಿಯುವಾ
ಎಂದು ರಮಿಸಿ ಕೇಳದೆ
ಇರಬಾರದೆ ಗೆಳತಿ
ಸುಮ್ಮನಿರಬಾರದೆ

( ಚಿತ್ರ ಸೆಲೆ: pixabay.com )