ಈಗಿನ ಮಳೆ
ಮಳೆ ಬಂತು ಮಳೆ,
ಹೇಳದೆ ಕೇಳದೆ ಬರುವ ಮಳೆ
ತೋರುವುದು ತನ್ನ ಕೋಪವ, ಜನರಿಗೆ
ಮಳೆ,ಮಳೆ, ಮಳೆ, ಮಳೆ!
ಸುಡುವ ಬಿಸಿಗಾಲದಲ್ಲಿ ಸುರಿವುದು ಮಳೆ
ಕೊರೆಯುವ ಚಳಿಗಾಲದಲ್ಲಿ ಸುರಿವ ಮಳೆ
ಬಾರೋ ಮಳೆ ಎಂದರು ಬಾರದು – ಮಳೆಗಾಲದಲಿ
ಇದೆಂತಾ ವಿಚಿತ್ರ ವರ‍್ತನೆ ನೋಡಿರಿ!
ಮನೆಮನೆಗೂ ಸೇರುವುದು ಕೊಚ್ಚೆ ನೀರಾಗಿ
ರಸ್ತೆಗಳು ತುಂಬಿ ಹರಿವುದು ನದಿಯಾಗಿ
ತರುಗಳು ನೆಲಗುರುಳುವವು ಮಳೆಯಿಂದಾಗಿ
ಇದೆಂತಾ ಮುನಿಸು ಮಳೆಯದು ನೋಡಿರಿ!
ರಸ್ತೆಯಲ್ಲಿ ವಾಹನಗಾರರಿಗೆ ಟ್ರಾಪಿಕಿನ ಕಾಟ
ಮನೆಗೆ ಹಿಂತಿರುಗುವ ಜನರಿಗೆ ಮಳೆಕಾಟ
ಜನರ ಸಾವು-ನೋವುಗಳ ಸಂಕಟ
ಇದೆಂತಾ ತೊಂದರೆ ಮಳೆಯದು ನೋಡಿರಿ!
(ಚಿತ್ರಸೆಲೆ: okwxlab.blogspot.in )
1 Response
[…] – ಸುನಿಲ್ ಕುಮಾರ್. […]