ನಾಗರ ಪಂಚಮಿಗೆ ಮಾಡಿ ನೋಡಿ ಅಳ್ಳು(ಅರಳು)

– ರೂಪಾ ಪಾಟೀಲ್.

ಇನ್ನೇನು ನಾಗರ ಪಂಚಮಿ ಬಂದೇ ಬಿಟ್ಟಿತು. ನಾಗರ ಪಂಚಮಿಗೆ ಅರಳು ಹುರಿಯೋದು ಬಹುಕಾಲದಿಂದಲೂ ನಡೆದುಕೊಂಡು ಬಂದ ರೂಡಿ. ಆದರೆ ಇತ್ತೀಚಿನ ಪಿಜ್ಜಾ-ಬರ‍್ಗರ್ ಯುಗದಲ್ಲಿ ಇದು ಕಣ್ಮರೆಯಾಗುತ್ತಿದೆ. ರೂಡಿ – ಸಂಪ್ರದಾಯಕ್ಕೆ ಹೆಸರುವಾಸಿಯಾದ ನಮ್ಮ ನಾಡಿನ ಪಂಚಮಿಯ ವಿಶೇಶ ಅರಳು ಹುರಿಯುವುದು ಹೇಗೆ ಎಂದು ತಿಳಿಯೋಣ ಬನ್ನಿ.

ಅರಳು ಮಾಡಲು ಬೇಕಾಗುವ ಸಾಮಗ್ರಿಗಳು

• ಬಿಳಿ ಜೋಳ ಇಲ್ಲವೇ ಅರಳಿನ ಜೋಳ

ಮಾಡುವ ಬಗೆ

ಅರಳಿನ ಜೋಳ ಅತವಾ ಸಾಮಾನ್ಯವಾಗಿ ಸಿಗುವ ಬಿಳಿ ಜೋಳವನ್ನು ಬಿಸಿಯಾಗಿರುವ ನೀರಿನಲ್ಲಿ ಹಾಕಿ 10-15 ನಿಮಿಶಗಳ ಕಾಲ ಕುದಿಸಿ. ಒಲೆಯಿಂದ ಕೆಳಗಿಳಿಸಿದ ಬಳಿಕ ನೀರು ಬಸಿದು, 8-10 ಗಂಟೆಗಳ ಕಾಲ ನೆರಳಿನಲ್ಲಿ ಒಣಗಿಸಿ.

ದೊಡ್ಡ ಅಳತೆಯ ದಪ್ಪ ತಳದ ಬುಟ್ಟಿಯನ್ನು ಒಲೆಯ ಮೇಲಿಟ್ಟು ಚೆನ್ನಾಗಿ ಕಾಯಿಸಿ. ಅದಕ್ಕೆ ಈ ಮೊದಲು ತಯಾರಿಸಿಕೊಂಡ ಜೋಳವನ್ನು ಸ್ವಲ್ಪ-ಸ್ವಲ್ಪ ತೆಗೆದುಕೊಂಡು ಬುಟ್ಟಿಗೆ ಹಾಕಿ ಮೇಲೆ ಬಟ್ಟೆಯನ್ನು ಹಾಕಿ ಮುಚ್ಚಿ. ಉರಿ ಸಣ್ಣಗೆ ಇಟ್ಟುಕೊಂಡು, ಬಟ್ಟೆಯ ಮೇಲ್ಗಡೆಯಿಂದ ಹಗುರವಾಗಿ ಕೈಯಾಡಿಸುವುದು. ಚಟ್-ಪಟ್ ಅನ್ನೋ ಶಬ್ದ ಮಾಡುತ್ತಾ ಅರಳು ತಯಾರಾಗುತ್ತವೆ. ತಿನ್ನಲು ಕುರುಕಲು ತಿಂಡಿಯ ಹಾಗೆ ಬಳಸಬಹುದು. ಇದನ್ನು ಮಕ್ಕಳು ತುಂಬಾ ಮೆಚ್ಚಿಕೊಳ್ಳುತ್ತಾರೆ.

(ಚಿತ್ರ ಸೆಲೆ: ರೂಪಾ ಪಾಟೀಲ್)