ಮದುವೆ: ತವರುಮನೆ ಬೀಳ್ಕೊಡುವ ಹೊತ್ತು

– ನೇತ್ರಾವತಿ ಆಲಗುಂಡಿ.

ಮಾತು ಮೌನವಾಗುವ ಹೊತ್ತು
ತವರುಮನೆ ಬೀಳ್ಕೊಡುವ ಹೊತ್ತು
ಗಂಡನಮನೆಯ ಪ್ರೀತಿಯರಸಿ ಹೊರಡುವ ಹೊತ್ತು
ಕಣ್ಣಂಚಲಿ ಹನಿ ನೀರು ಸುರಿಯುವ ಹೊತ್ತು

ಮದುವೆ ಮನೆಯ ಹರುಶ ಮುಗಿಯುವ ಹೊತ್ತು
ಸೋದರತೆಯ ವಾತ್ಸಲ್ಯದ ಪ್ರೀತಿ ಮೆರೆಯುವ ಹೊತ್ತು
ಸಂಬಂದಿಕರ ನಿಜ ರೂಪ ಬಯಲಾಗುವ ಹೊತ್ತು
ಹೆತ್ತವರ ಕರುಳಬಳ್ಳಿಯು ದೂರ ಸರಿಯುವ ಹೊತ್ತು

ಉಡಿ ತುಂಬಿಕೊಂಡು ಮನೆಯ ಮುದ್ದುಲಕ್ಶ್ಮಿ ಹೊರಡುವ ಹೊತ್ತು
ಮಡಿಲು ತುಂಬ ತವರುಮನೆಯ ನೆನಪು ಹೊರುವ ಹೊತ್ತು
ಆಟವಾಡಿದ ಮನೆಯ ತೊರೆದು ಗಂಡನ ಮನೆಯ ದೀಪ ಬೆಳಗುವ ಹೊತ್ತು
ಅವಳ ನಲಿವು ನೋವುಗಳಿಗೆ ಮುನ್ನುಡಿ ಬರೆಯುವ ಹೊತ್ತು

( ಚಿತ್ರ ಸೆಲೆ: pixabay.com )