ಕವಿತೆ: ಮುನ್ನುಡಿ

– ನಾಗರಾಜ್ ಬೆಳಗಟ್ಟ.

ಮರಗಳ ಎಲೆಯುದುರಿ
ಬೂ ಮಡಿಲ ಸೇರಿ
ರುತು ಮಾನದಲಿ ಮಿಂದ ಪ್ರಕ್ರುತಿ
ನಗುತಿದೆ ಮತ್ತೆ ಚಿಗುರಿ

ಚಿಗುರು ಮತ್ತೆ ಮೊಗ್ಗಾಗಿ
ಮನೆಗಳಿಗೆ ತಳಿರು ತೋರಣವಾಗಿ
ಮನಗಳಿಗೆ ಪಲ ಪುಶ್ಪವಾಗಿ
ಮೈದುಂಬಿಹುದು ನವ ಚೈತ್ರವಾಗಿ

ಚೈತ್ರ ಹಸಿರು ಕುಪ್ಪಸವುಟ್ಟು
ಮುಡಿಗೆ ಮಲ್ಲಿಗೆ ತೊಟ್ಟು
ಹಣೆಗೆ ನಸುಗೆಂಪು ತಿಲಕವಿಟ್ಟು
ನಿಂತಿಹಳು ಬೇವು ಚಿಗುರನುಟ್ಟು

ನೋವು ನಲಿವ ಅಳಿಸಿ
ಬಳಿದ ಅಂಗಳಕ್ಕೆ
ರಂಗೋಲಿ ಬಿಡಿಸಿ
ನವ ವಸಂತ ದೀಪ ಬೆಳಗಿಸಿ

ಮೈಮನಕ್ಕೆ ಅಬ್ಯಂಜನವ ಮಾಡಿ
ದಾರಿಯುದ್ದಕ್ಕೂ ಸಂಪಿಗೆ ಹರಡಿ
ಯುಗದ ಆದಿ… ಯುಗಾದಿ
ಚೈತ್ರಳಿಗೆ ಸೋಬಾನೆ ಹಾಡಿ

ಚೈತ್ರ ಬದುಕಿನ ಮುನ್ನುಡಿ
ಹೊಸ ಬಟ್ಟೆ ದರಿಸಿ ಬನ್ನಿ
ಬೇವು-ಬೆಲ್ಲದ ಬಂಡಿ ಹೂಡಿ
ಒಬ್ಬಟ್ಟು ಸವಿಯುವ ಬನ್ನಿ

(ಚಿತ್ರ ಸೆಲೆ: welcome-the-new-year-with-ugadi)