ಕಿರುಗವಿತೆಗಳು
– ನಿತಿನ್ ಗೌಡ.
ಕಾದ ಹಾಗೆ
ಇಳೆಯು, ಮಳೆಯ ಬರುವಿಕೆಗೆ ಕಾದ ಹಾಗೆ
ಮಳೆಯು ಮೋಡ ಕಾದ ಹಾಗೆ
ಮೋಡ ನೀರಾವಿ ಕಾದ ಹಾಗೆ
ಆವಿ ಬಿಸಿಲ ಕಾದ ಹಾಗೆ
ಇರುವುದು ಒಂದರ ಕೊಂಡಿ ಇನ್ನೊಂದರಲಿ
ಬೆಸೆದುಕೊಂಡು;
ಜಗದ ಲಯವು ಸಾಗುವ ಪರಿ, ಅದು ಹೀಗೆ ನೀ ಕಾಣು.
******
ಸುಳಿವು ನೀಡದೆ
ನನ್ನೊಲವ ದಾರಿಯಲಿ
ಸಿಕ್ಕ ಹೊಂಬೆಳಕು ನೀ
ಹೇಗೆ ತಲುಪಿದೆ ನೀ ಹೇಳು,
ಇದರೊಳಗೆ!
ಕೊಂಚವೂ ಸುಳಿವು ನೀಡದೆ;
******
ಹರಕೆ
ಹೊತ್ತಿರುವೆ ನಾ
ನಿನ್ನ ಜೊತೆಗೆ ಬಾಳಬೇಕೆಂಬ ಹರಕೆಯ;
ತೀರಿಸಲು ನೀ ಇದನು
ಹಸನಾಗುವುದು ನಮ್ಮ ಬಾಳ ಪಯಣವು
(ಚಿತ್ರಸೆಲೆ: copilot.mocrosoft.com )
ಇತ್ತೀಚಿನ ಅನಿಸಿಕೆಗಳು