ಕವಿತೆ: ಬಯಕೆ

– ಶ್ಯಾಮಲಶ್ರೀ.ಕೆ.ಎಸ್.

ಬದುಕಿನ ಜಂಜಾಟಗಳ ನಡುವೆ
ನೆಮ್ಮದಿಯ ಹುಡುಕುವ ಬಯಕೆ

ಬಾಲ್ಯದ ಮುಗ್ದತೆಯ ನೆರಳಿನಲಿ
ಲೋಕದ ಸುಕವನು ಹಿತವಾಗಿಸೋ ಬಯಕೆ

ಅಮ್ಮನ ಮಡಿಲಿನ ತೊಟ್ಟಿಲಲ್ಲಿ
ಮತ್ತೆ ಮುದ್ದು ಮಗುವಾಗುವ ಬಯಕೆ

ನಸುಕಿನ ಸೂರ‍್ಯನ ಎಳೆ ಬೆಳಕಿನ
ಕಿರಣಗಳನು ಬೊಗಸೆ ತುಂಬಾ ಹಿಡಿವ ಬಯಕೆ

ಚಿಲಿಪಿಲಿ ಹಕ್ಕಿಯ ಗಾನದ ಮೋಡಿಗೆ
ಕಿವಿಯನು ಇಂಪಾಗಿಸುವ ಬಯಕೆ

ಮುಗಿಲಲಿ ಕುಳಿತಿರೋ ಬಿಳಿ ಮೋಡಗಳನು
ಎಗರಿ ಎಗರಿ ಬಾಚಿ ತಬ್ಬುವ ಬಯಕೆ

ಇರುಳಲಿ ಚೆಲ್ಲಿದ ಚಂದಿರನ ಬೆಳದಿಂಗಳಲಿ
ತಂಗಾಳಿಯ ತಂಪನು ಸವಿಯುವ ಬಯಕೆ

ಪ್ರಕ್ರುತಿ ಸಿರಿಯಲಿ ಜಗವನು ಮರೆತು
ಸದ್ಬಾವದಲಿ ವಿರಮಿಸುವ ಬಯಕೆ

ಕರುಣೆಯಿಲ್ಲದ ಮತ್ಸರದ ದಿಟ್ಟಿಗೆ ಬೀಳದೇ
ಪ್ರೀತಿಯ ಕಂಗಳನು ಕಾಣುವ ಬಯಕೆ

ಮಾನವತೆಯ ಸಾಂಗತ್ಯದಲಿ ಬೆರೆತು
ಬಾಳಿಗೆ ಅರ‍್ತವನು ಅರಸುವ ಬಯಕೆ

(ಚಿತ್ರ ಸೆಲೆ: maxpixel)