ಪುದೀನಾ ಚಿಕನ್
ಏನೇನು ಬೇಕು
- ಕತ್ತರಿಸಿದ ಕೋಳಿ – ½ ಕಿಲೋ
- ಈರುಳ್ಳಿ – 1
- ಟೊಮೆಟೊ – 1
- ಹಸಿಮೆಣಸಿನಕಾಯಿ – 1
- ತೆಂಗಿನಕಾಯಿ – 2 ಚೂರು
- ಶುಂಟಿ – ಸಣ್ಣ ಚೂರು
- ಚಕ್ಕೆ- ಸಣ್ಣ ಚೂರು
- ಲವಂಗ – 2
- ಮೆಣಸು – 10 ಕಾಳು
- ಬೆಳ್ಳುಳ್ಳಿ – 2 ಎಸಳು
- ಕೊತ್ತಂಬರಿ ಸೊಪ್ಪು – ಸ್ವಲ್ಪ
- ಪುದೀನ – ಸ್ವಲ್ಪ
- ದನ್ಯಾಪುಡಿ – ½ ಚಮಚ
- ಮೆಣಸಿನಕಾಯಿಪುಡಿ(ಕಾರದ ಪುಡಿ) – ½ ಚಮಚ
- ಅರಿಶಿಣದ ಪುಡಿ – 2 ಚಮಚ
ಮಾಡುವ ಬಗೆ
ಒಂದು ಸಣ್ಣ ಜಾರ್ ಗೆ ಶುಂಟಿ, ಬೆಳ್ಳುಳ್ಳಿ, ಚಕ್ಕೆ, ಲವಂಗ, ಕೊತ್ತಂಬರಿಸೊಪ್ಪು, ಪುದೀನಾ, ತೆಂಗಿನಕಾಯಿ, ದನ್ಯಾ ಪುಡಿ, ಮೆಣಸು ಹಾಗೂ ಮೆಣಸಿನಕಾಯಿಪುಡಿ ಹಾಕಿ ರುಬ್ಬಿಟ್ಟುಕೊಳ್ಳಬೇಕು.
ಒಂದು ಬಾಣಲೆಗೆ ಸ್ವಲ್ಪ ಅಡುಗೆ ಎಣ್ಣೆ ಸೇರಿಸಿ, ಕಾದ ಎಣ್ಣೆಗೆ ಕತ್ತರಿಸಿದ ಹಸಿಮೆಣಸಿನಕಾಯಿ, ಈರುಳ್ಳಿ ಹಾಕಿ ಹುರಿಯಿರಿ ಆಮೇಲೆ ಕತ್ತರಿಸಿದ ಟೊಮೆಟೋ ಹಾಕಿ ಚೆನ್ನಾಗಿ ಹುರಿಯಿರಿ. ನಂತರ ಚೆನ್ನಾಗಿ ತೊಳೆದಿಟ್ಟಿದ್ದ ಕತ್ತರಿಸಿದ ಕೋಳಿಯನ್ನು ಸೇರಿಸಿ, ಇದಕ್ಕೆ ಅರಿಶಿಣದ ಪುಡಿ, ಉಪ್ಪು ಹಾಕಿ ಚೆನ್ನಾಗಿ ಹುರಿಯಿರಿ. ಇದಕ್ಕೆ ರುಬ್ಬಿಟ್ಟುಕೊಂಡಿದ್ದ ಮಸಾಲೆಯನ್ನು ಸೇರಿಸಿ ಹುರಿಯಿರಿ. ಈಗ ಪುದೀನಾ ಚಿಕನ್ ರೆಡಿ.
ಇತ್ತೀಚಿನ ಅನಿಸಿಕೆಗಳು