ಕಿರುಗವಿತೆ: ಜಗದೊಡಲ ಸೊಗಸು
– ನಿತಿನ್ ಗೌಡ.
ಸುಂದರವಾಗಿದೆ ಹೂದೋಟದ ಸೊಗಸು,
ಮನಸೂರೆಯಾಗದೇನು? ಈ ನೋಟದಂದವು!
ಆದರೂ, ಕೀಳಲೊಲ್ಲವೆನುತಿದೆ ಇದರೊಳ ಹೂಗಳನು, ಮನಸು..
ನಿರ್‍ಮಲವಾಗಿದೆ ಹರಿಯುವ ನೀರು;
ಸುತ್ತಣದ ಆಗಸಕೆ ಹಿಡಿದ ಕನ್ನಡಿಯಂತೆ,
ತಡೆಯಲೊಲ್ಲವೆನುತಿದೆ ಇದರ ಹರಿವನು ಮನಸು..
ಹಚ್ಚ ಹಸಿರಾಗಿದೆ ಕಾನನ
ಕಡಿಯಲಾಗದು ಇದನು..
ಓಡುತಿದೆ ಹುಚ್ಚು ಮನಸು ಅಂಕುಶವಿಲ್ಲದೆ..
ಹಿಡಿಯಲಾಗದು ಇದನು..
ಎಲ್ಲವೂ ಹೇಗಿರುವವೋ
ಅದು ಹಾಗಿರಲು, ಅದರೊಳಗೆ ಅಡಗಿರುವುದು
ಜಗದೊಡಲ ಸೊಗಸು..
( ಚಿತ್ರಸೆಲೆ: copilot.microsoft.com )
ಇತ್ತೀಚಿನ ಅನಿಸಿಕೆಗಳು