ಒಣಗಿದರೆ ಸವ್ದೆಯಾದೆ…

–ತ.ನಂ.ಜ್ನಾನೇಶ್ವರ

ಒಣಗಿದರೆ ಸವ್ದೆಯಾದೆ ಬಿಟ್ಟರೆ ಗೊಬ್ಬರವಾದೆ
ಮಾರ್‍ಪಡಿಸಿದರೆ ಜಯ್ವಿಕ ಅನಿಲವಾದೆ
ಜೋಪಡಿಗೆ ಚಪ್ಪರಕೆ ಸಾಮಗ್ರಿಯಾದೆ
ಮನೆಗೆ ಮರಮುಟ್ಟಾದೆ
ಕಯ್ಗಾರಿಕೆಗೆ ಕಚ್ಚಾ ಸಾಮಗ್ರಿಯಾದೆ
ನಿಸರ್‍ಗದ ಹವಾ ನಿಯಂತ್ರಕನಾದೆ
ಪ್ರಕ್ರುತಿಯ ಸವ್ಂದರ್‍ಯವರ್‍ದಕನಾದೆ
ನೀನಾರಿಗಾದೆಯೊ ಎಲೆ ಮಾನವ

ಆಮ್ಲಜನಕದ ತಯಾರಕನಾದೆ
ಇಂಗಾಲಾಮ್ಲದ ಬಕ್ಶಕನಾದೆ
ಮಣ್ಣಿನ ಸಂರಕ್ಶಕನಾದೆ
ಶಬ್ದ ಮಾಲಿನ್ಯದ ನಿಯಂತ್ರಕನಾದೆ
ಮೇಗರಾಜನ ಮಿತ್ರನಾದೆ
ವರ್‍ಶಾಕರ್‍ಶಣ ಶಕ್ತಿಯಾದೆ
ನೀನಾರಿಗಾದೆಯೊ ಎಲೆ ಮಾನವ

ತಿನ್ನಲು ಕಾಯಿ ಹಣ್ಣುಗಳಾದೆ
ಪಶುಗಳಿಗೆ ಮೇವಾದೆ
ಆಹಾರಕೆ ಮೂಲವಾದೆ
ದೇವರಿಗೆ ಹೂವಾದೆ
ಮಾನವರಿಗವ್ಶದಿಯಾದೆ
ಪಕ್ಶಿಸಂಕುಲಕೆ ಆಶ್ರಯವಾದೆ
ನೀನಾರಿಗಾದೆಯೊ ಎಲೆ ಮಾನವ

(ಚಿತ್ರ: www.woking.gov.uk )