ಬಸಿರಗೂಸು
– ರತೀಶ ರತ್ನಾಕರ.
ಚೆಲುವ ಬಿಂದಿಗೆಯೊಳಗೆ
ಹೊಳೆವ ತಿಂಗಳ ಪಡಿನೆಳಲು
ಬೆಳೆಯುತಿದೆ ಬೆಳಗುತಿದೆ
ಅಲುಗದೆ ತಿಳಿನೀರು ತುಂಬಿರಲು|
ಮೇಲ್ನೆಲದ ಕೊಳದೊಳಗೆ
ಮುತ್ತಿನ ತತ್ತಿಯ ಬಿಟ್ಟಿಹರು
ಹೊತ್ತೊತ್ತಿಗೆ ತುತ್ತನಿಕ್ಕಲು
ಬಲಿತು ಬೀರುವುದು ಹೊಗರು|
ಹೂದೋಟದ ಬಾನಿಯೊಳು
ಮಿನುಗುತಿದೆ ಬಾನ ಚುಕ್ಕಿ
ಬಾಡದ ಬೆಳದಿಂಗಳಿರಲು
ಮಿರುಗುವುದೋ ಕಣ್ಣ ಕುಕ್ಕಿ|
ತುಂಬಿ ತುಳುಕಲು ನೀರು
ಜಾರಿತೇ ಹಾಲುಗಲ್ಲದ ಕೂಸು
ಕೆಂದುಟಿಯ ಮೆದುಮಯ್ಯ
ಕೊಳೆಯಿರದ ತಿಳಿಯಾದ ಮನಸು|
(ಚಿತ್ರ ಸೆಲೆ: wallpapersinhq.in)
ಇತ್ತೀಚಿನ ಅನಿಸಿಕೆಗಳು