ಕವಿತೆ: ಸುಗ್ಗಿ ಸಂಕ್ರಾಂತಿ
ಹಿಗ್ಗು ತರಲು ಬುವಿಯ ಮೇಲೆ
ಸುಗ್ಗಿ ಕಾಲ ಬಂದಿದೆ
ಮೊಗ್ಗು ತಾನು ಅರಳಿ ನಿಂತು
ಸಗ್ಗವಿಲ್ಲೆ ಎಂದಿದೆ
ಮಕರ ರಾಶಿ ಸೇರಿ ಸೂರ್ಯ
ಸಕಲ ಜಗವ ಪೊರೆಯುವ
ನಿಕಟ ಶಾಕ ದರೆಗೆ ಬಿತ್ತಿ
ಮುಕುರದಂತೆ ಹೊಳೆಯುವ
ಗಾಳಿಪಟವು ಗಗನದಲ್ಲಿ
ಗೂಳಿಯಂತೆ ನುಗ್ಗಿದೆ
ಬಾಳಿಗೊಂದು ನಲಿವು ಬಂದು
ಕಾಳರಾತ್ರಿ ಕಳೆದಿದೆ
ಹಳ್ಳಿ ಜನರ ಕಣವ ಕಂಡು
ಬಳ್ಳಗಳವು ಹಿಗ್ಗಲಿ
ಎಳ್ಳು ಬೆಲ್ಲ ಕಬ್ಬು ಅವರೆ
ಒಳ್ಳೆಯದನು ಮಾಡಲಿ
( ಚಿತ್ರ ಸೆಲೆ: apk-cloud.com )
ಇತ್ತೀಚಿನ ಅನಿಸಿಕೆಗಳು