ಇಲೆಕ್ಟ್ರಿಕ್ ಗಾಡಿಗಳನ್ನು ಹೀಗೆ ಕಾಪಾಡಿ

– ಜಯತೀರ‍್ತ ನಾಡಗವ್ಡ

ಇಲೆಕ್ಟ್ರಿಕ್ ವಾಹನಗಳ ಸಂಕ್ಯೆ ಇತ್ತಿಚೀನ ದಿನಗಳಲ್ಲಿ ಗಣನೀಯವಾಗಿ ಏರಿಕೆ ಕಾಣುತ್ತಿದೆ. 2023ಕ್ಕೆ ಹೋಲಿಸಿದರೆ 2024ರಲ್ಲಿ ಇಲೆಕ್ಟ್ರಿಕ್ ಇಗ್ಗಾಲಿ ಗಾಡಿಗಳ(2Wheelers) ಸಂಕ್ಯೆ ಸುಮಾರು 33% ರಶ್ಟು ಹೆಚ್ಚಿವೆ. ಗಾಡಿಗಳ ಸಂಕ್ಯೆ ಹೆಚ್ಚಿದಂತೆ ಅವುಗಳ ಬಾಳಿಕೆ ಹೆಚ್ಚುವಂತೆ ನೋಡಿಕೊಳ್ಳುವುದು ಅಗತ್ಯ. ಪೆಟ್ರೋಲ್/ಡೀಸೆಲ್ ಗಾಡಿಗಳ ಹೋಲಿಕೆಯಲ್ಲಿ ಇಲೆಕ್ಟ್ರಿಕ್ ಗಾಡಿಗಳು ಬ್ಯಾಟರಿ ಗೂಡು(Battery Pack), ಇಲೆಕ್ಟ್ರಿಕ್ ಮೋಟಾರ‍್ ನಂತಹ ಬೇರೆ ಹಾಗೂ ಕಡಿಮೆ ಮೆಕ್ಯಾನಿಕಲ್ ಬಿಡಿಬಾಗ‍ಗಳನ್ನು ಹೊಂದಿರುತ್ತವೆ. ಹಾಗಾಗಿ ಇವುಗಳನ್ನು ಹೇಗೆ ನೋಡಿಕೊಳ್ಳಬೇಕು ಎಂಬುದರ ಕುರಿತಾಗಿ ಈ ಬರಹ.

• ಮೊದಲನೇಯದಾಗಿ ಬ್ಯಾಟರಿ:

ಬ್ಯಾಟರಿ ಅಂದರೆ ಮಿಂಕಟ್ಟು, ಇದರ ಆರೋಗ್ಯ ಬಲುಮುಕ್ಯ. ಸಾಮಾನ್ಯವಾಗಿ ಬ್ಯಾಟರಿಗಳು ಹಲವು ದಿನಗಳವರೆಗೆ ಬಳಸದೇ ಹಾಗೇ ಬಿಟ್ಟರೆ ತಮ್ಮ ಹುರುಪು(Charge) ಕಳೆದುಕೊಳ್ಳುತ್ತಾ ಹೋಗುತ್ತವೆ. ಬ್ಯಾಟರಿಗಳು ಹೆಚ್ಚಿನ ಬಿಸಿಲಿಗೊಡ್ಡಿಕೊಂಡಾಗಲೂ ಬೇಗನೆ ಹುರುಪು ಕಳೆದುಕೊಳ್ಳುತ್ತವೆ. ಒಮ್ಮೆ ಪೂರ‍್ತಿಯಾಗಿ ಹುರುಪು ತುಂಬಿ, ಬ್ಯಾಟರಿ ಹುರುಪು ಕಳೆದುಕೊಳ್ಳುವವರೆಗೆ ಅದನ್ನು ಒಂದು “ಚಾರ‍್ಜಿಂಗ್ ಸೈಕಲ್” ಎನ್ನುತ್ತಾರೆ. ಮಿಂಕಟ್ಟುಗಳು ಪದೇ ಪದೇ ಈ ರೀತಿಯ ಸುತ್ತಿಗೆ(Cycle) ಒಳಪಡುತ್ತಿರುತ್ತವೆ. ಇದೆಲ್ಲವೂ ಬ್ಯಾಟರಿ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ಇದೆಲ್ಲರಿಂದ ಕಾಪಾಡಲು, ನಿಮ್ಮ ಗಾಡಿಗಳನ್ನು ಆದಶ್ಟು ನೆರಳಿರುವ ಜಾಗಗಳಲ್ಲೇ ನಿಲ್ಲಿಸಿ.ಬ್ಯಾಟರಿಗಳಿಗೆ ಅಗತ್ಯವಿರುವ ಹುರುಪು ತುಂಬಿ,ಕೆಲವು ಗಾಡಿಗಳ ತಯಾರಕರು 85-90% ರಶ್ಟು ಮಾತ್ರ ಹುರುಪು ತುಂಬಿಸುವಂತೆ ತಿಳಿಸಿರುತ್ತಾರೆ, ಇವುಗಳನ್ನು ಪಾಲಿಸಬೇಕು. ದಿಡೀರನೆ ಗಾಡಿಯನ್ನು ಜೋರಾಗಿ ಓಡಿಸುವುದು, ದಿಡೀರನೆ ಬ್ರೇಕ್ ಹಾಕಿ ನಿಲ್ಲಿಸುವುದು ಪದೇ ಪದೇ ಮಾಡುವುದು ಒಳ್ಳೆಯದಲ್ಲ. ಈ ರೀತಿಯ ಗಾಡಿ ಓಡಿಸುವ ಅಬ್ಯಾಸ ಬಿಟ್ಟು ಬಿಡಿ. ತಗ್ಗು-ದಿಣ್ಣೆ ರಸ್ತೆ, ಅತಿ ಬಿಸಿಲು, ಕೆಸರು, ನೀರಿನಿಂದ ಕೂಡಿದ ದಾರಿಗಳಲ್ಲಿ ಓಡಿಸುವ ಅಗತ್ಯ ಬಂದಾಗ “ಬ್ಯಾಟರಿ ಸೇವರ‍್” ಮೋಡ್‌ನಲ್ಲಿ ಓಡಿಸುವುದು ಒಳ್ಳೆಯದು. ಪದೇ ಪದೇ, ಗಾಡಿಯ ಮಿಂಕಟ್ಟಿನ ಹುರುಪು 20%ಗಿಂತ ಕಡಿಮೆಯಾದಾಗ ಗಾಡಿಯನ್ನು ಓಡಿಸುವುದು ಬ್ಯಾಟರಿಯ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಈಗ ಬಹುತೇಕ ಗಾಡಿಗಳಿಗೆ ಡಿಸಿ ಪಾಸ್ಟ್‌ಚಾರ‍್ಜಿಂಗ್ ಅಂದರೆ 20-30 ನಿಮಿಶಗಳಲ್ಲಿ ಗಾಡಿಗೆ ವೇಗದಲ್ಲಿ ಹುರುಪು ತುಂಬುವ ಏರ‍್ಪಾಟುಗಳು ಸಿಗುತ್ತವೆ. ಇವುಗಳನ್ನು ಅತಿ ಅಗತ್ಯದ ಸಂದರ‍್ಬಗಳಲ್ಲಿ ಮಾತ್ರ ಬಳಸಬೇಕು. ಅತಿಯಾಗಿ ಈ ಪಾಸ್ಟ್‌ಚಾರ‍್ಜಿಂಗ್ ಬಳಕೆಯಿಂದ ಬ್ಯಾಟರಿಯ ಒಳಗೆ ಹೆಚ್ಚಿನ ರಾಸಾಯನಿಕ ಕ್ರಿಯೆಗಳು ನಡೆಯುತ್ತಿರುತ್ತವೆ. ಇದರಿಂದ ಅವುಗಳ ಬಾಳಿಕೆ ಕಡಿಮೆಯಾಗುತ್ತದೆ.

• ಎರಡನೇಯದಾಗಿ ಗಾಡಿಯ ಇಲೆಕ್ಟ್ರಿಕ್ ಮೋಟಾರ್:

ಮೋಟಾರ‍್‌ಗಳು ಅನುಮಾನಾಸ್ಪದವಾಗಿ ಸದ್ದು ಮಾಡುತ್ತಿದ್ದರೆ, ನುರಿತ ತಂತ್ರಜ್ನರ ಬಳಿ ಗಾಡಿಯನ್ನು ತೆಗೆದುಕೊಂಡು ಹೋಗಿ ನೆರವು ಪಡೆಯುವುದು ಒಳಿತು. ಮೋಟಾರ‍್‌ನ ತಂಪಿನ ಏರ‍್ಪಾಟು ಎಲ್ಲವೂ ಸರಿಯಾಗಿ ಕೆಲಸ ಮಾಡುತ್ತಿದೆಯೇ ಎಂದು ಆಗಾಗ ಪರೀಕ್ಶಿಸಿಕೊಳ್ಳಿ. ಮೋಟಾರ‍್ ಇಲ್ಲವೇ ಇತರೆ ಬಿಡಿಬಾಗಗಳು ಸರಿಯಾಗಿ ಕೆಲಸ ಮಾಡದೇ ಇದ್ದಾಗ ಗಾಡಿಯ ತೋರುಮಣೆಯಲ್ಲಿಯ(Dashboard) ದೀಪಗಳು ಹೊಳೆಯುವುದರ ಮೂಲಕ ಕೆಲಸ ಮಾಡದ ಏರ‍್ಪಾಟಿನ ಬಗ್ಗೆ ನಮಗೆ ಮಾಹಿತಿ ಒದಗಿಸುತ್ತಿರುತ್ತವೆ. ಇದನ್ನು ಗಮನಿಸಿ ಅಗತ್ಯ ಕ್ರಮ ತೆಗೆದುಕೊಳ್ಳಬೇಕು.

• ಕೊನೆಯದಾಗಿ ಹೇಳಬೇಕೆಂದರೆ

ಪೆಟ್ರೋಲ್/ಡೀಸೆಲ್ ಮುಂತಾದ ಒಳಉರಿವಿನ ಇಂಜೀನ್(IC Engine) ಹೊಂದಿರುವ ಗಾಡಿಗಳಂತೆ, ಇಲೆಕ್ಟ್ರಿಕ್ ಗಾಡಿಗಳಲ್ಲೂ ಬ್ರೇಕ್ ಏರ‍್ಪಾಟು(Brake System), ಒರೆಸುಕ(Wiper) ಮತ್ತು ಗಾಲಿಗಳು ಇದ್ದೇ ಇರುತ್ತವೆ. ತಡೆತದ ಏರ‍್ಪಾಟಿನ ತಂಪುಕ, ಒರೆಸುಕಕ್ಕೆ ಬೇಕಾಗುವ ನೀರು/ತಂಪುಕಗಳು ಸರಿಯಾದ ಮಟ್ಟದಲ್ಲಿರುವಂತೆ ನೋಡಿಕೊಳ್ಳಬೇಕು. ಗಾಲಿಗಳಲ್ಲಿ ಗಾಳಿಯ ಒತ್ತಡದ ಮಟ್ಟ ಸರಿಯಾಗಿರಬೇಕು. ಇಂದಿನ ಬಹುಪಾಲು ಇಲೆಕ್ಟ್ರಿಕ್ ಗಾಡಿಗಳಲ್ಲಿ ರೀಜನರೇಟಿವ್ ಬ್ರೇಕಿಂಗ್ ಏರ‍್ಪಾಟು ಇರುತ್ತದೆ ಅಂದರೆ, ಗಾಡಿಗೆ ತಡೆ ಹಾಕಿದಾಗ(Brake Applied) ಗಾಲಿಗಳಲ್ಲಿರುವ ಕದಲಿಕೆಯ ಬಲ(Kinetic Energy) ಉಳಿಸಿಕೊಂಡು ಮೋಟಾರ‍್ ಮೂಲಕ ಗಾಡಿಗೆ ಅಗತ್ಯವಿರುವ ಸಂದರ‍್ಬದಲ್ಲಿ ಬಲ ಒದಗಿಸುವ ಏರ‍್ಪಾಟು. ಈ ಏರ‍್ಪಾಟುಗಳು ಸರಿಯಾಗಿ ಇರುವಂತೆ ನೋಡಿಕೊಳ್ಳಬೇಕು.

ಇಲೆಕ್ಟ್ರಿಕ್ ಬಂಡಿಗಳಲ್ಲಿ ಹೈ ವೋಲ್ಟೇಜ್, ಲೋ ವೋಲ್ಟೇಜ್ ಸೇರಿದಂತೆ ವಿದ್ಯುತ್‌ಗೆ ಸಂಬಂದಿತ ಹೆಚ್ಚಿನ ಬಿಡಿಬಾಗಗಳು ಇರುತ್ತವೆ. ಇವುಗಳ ಬಳಕೆ ಮಾಡುವಾಗ ಹೆಚ್ಚು ಎಚ್ಚರಿಕೆ ವಹಿಸಿ. ಮನೆಗಳಲ್ಲಿ ರಿಪೇರಿ, ಸರ‍್ವೀಸ್ ಮಾಡುವ ಸಾಹಸಕ್ಕೆ ಕೈಹಾಕಬಾರದು. ಇದಕ್ಕೆ ನುರಿತ ಮೆಕ್ಯಾನಿಕ್, ನೆರವುದಾಣಗಳಲ್ಲಿ ಕೊಂಡೊಯ್ದು ರಿಪೇರಿ ಮಾಡಿಸುವುದೇ ಸರಿಯಾದದ್ದು. ಗಾಡಿ ಬಳಕೆಯ ಕೈಪಿಡಿಯಲ್ಲಿ(Manual) ನೀಡಿರುವ ಎಲ್ಲ ಮಾಹಿತಿಗಳನ್ನು ಅನುಸರಿಸಿಕೊಂಡು ಹೋಗಬೇಕು.

( ಮಾಹಿತಿ ಮತ್ತು ಚಿತ್ರ ಸೆಲೆ: evpedia.co.in , freepik.com )