ಕವಿತೆ: ಮರಳಿ ಬಂದಿದೆ ಯುಗಾದಿ

– ಕಾವೇರಿ ಸ್ತಾವರಮಟ.

ನವಚೈತ್ರ ರುತುಗಾನದಿ
ಹೂಕುಸುಮ ಜಾತ್ರೆಯಲಿ
ಬೇವು ಬೆಲ್ಲದ ಸಿಹಿ ಕಹಿ
ತಂದಿದೆ ಯುಗಾದಿ

ಸೂರ‍್ಯನ ಉದಯದಿ
ಎಳೆಮಾವು ಎಳಸಲಿ
ಕೋಗಿಲೆಯ ಕುಹೂ ಗಾನ
ಹಾಡಿಸಿದೆ ಯುಗಾದಿ

ಹಚ್ಚ ಹಸಿರಿನ ಚಿಗುರು
ಜಲಲ ಜಲದಾರೆಯಾಗಿ
ಲಯದಿ ರಾಗವ ಮಿಡಿದು
ಹಾಡಿದೆ ಯುಗಾದಿ

ಹಳೆಬೇರು ಹೊಸ ಚಿಗುರು
ಸವಿಬಾಳ ಕನಸೊಂದ ಮೀಟುತ
ಮರಳಿ ಬಂದಿದೆ ಯುಗಾದಿ
ಹರುಶ ತಂದಿದೆ ಯುಗಾದಿ

( ಚಿತ್ರ ಸೆಲೆ: welcome-the-new-year-with-ugadi )