ಕವಿತೆ: ಶಿರಬಾಗಿ ವಂದಿಪೆ ನನ್ನ ಗುರುವೆ

– ವೆಂಕಟೇಶ ಚಾಗಿ.

ಶಿರಬಾಗಿ ವಂದಿಪೆ ನನ್ನ ಗುರುವೆ
ಕರುಣೆ ತೋರಿ ಕಲಿಸು ನಮಗೆ
ನನ್ನ ಗುರುವೆ

ನ್ಯಾಯ ನೀತಿ ದರ‍್ಮಗಳ
ತಿಳಿಸು ಗುರುವೆ
ಸತ್ಯ ಮಾರ‍್ಗದಲ್ಲಿ ನಡೆದು
ನಾನು ಬದುಕುವೆ

ಅನ್ಯಾಯವ ಎದುರಿಸುವ
ದೈರ‍್ಯ ನೀಡು ಗುರುವೆ
ದುಶ್ಟತೆಯ ಅಳಿಸುವಂತ
ಕಲೆಯ ಕಲಿಸು ಗುರುವೆ

ನಡೆದು ಹೋದ ತಪ್ಪುಗಳ
ಹೇಳಿ ಎಚ್ಚರಿಸು ಗುರುವೆ
ಸಾದನೆಯ ದಾರಿ ತೋರಿ
ಎನ್ನ ಮುನ್ನಡೆಸು ಗುರುವೆ

ಎಲ್ಲರನ್ನು ಪ್ರೀತಿಸುವಂತ
ಮನಸು ಬೆಳೆಸು ಗುರುವೆ
ಕರುಣೆ ದಯೆ ಸಮಾನತೆಯ
ನಿಯಮ ಕಲಿಸು ಗುರುವೆ

ಅಗ್ನಾನ ಅಂದಕಾರ
ಮನದಿ ಅಳಿಸು ಗುರುವೆ
ಬದುಕಿನಲ್ಲಿ ಸಾರ‍್ತಕತೆಯ
ಪಡೆದು ಬದುಕ ಗೆಲ್ಲುವೆ

(ಚಿತ್ರ ಸೆಲೆ: wikihow)