ಕವಿತೆ: ನಿನದೇ ನೆನಪು

– ಮಹೇಶ ಸಿ. ಸಿ.

ಮನಸಿನ ಒಳಗೆ ಕವಿತೆಯ ಬರೆದೆ
ನಿನದೇ ಸಾಲು ನೋಡು ಮೆಲ್ಲನೆ
ಪ್ರೀತಿಯ ಅಕ್ಶರ ನೀಡಿದೆ ವರ‍್ಣನೆ
ನಿನದೇ ನೆನಪು ಮನದಲಿ ಸುಮ್ಮನೆ

ಬೀಳುವ ಹಾಗಿದೆ ಮಳೆಯ ಸೂಚನೆ
ಹನಿಯೂ ಕಾದಿದೆ ಸೋಕಲು ಬುವಿಯನೆ
ಮನವು ಕುಣಿದಿದೆ ಸೇರಲು ನಿನ್ನನೇ
ಪ್ರೀತಿಯು ಬಯಸಿದೆ ನಿನ್ನಯ ಮನಸನೆ

ಸುಂದರ ಪ್ರಕ್ರುತಿ ನೋಡಲು ಅಂದವೋ
ಹಾಲು ಹುಣ್ಣಿಮೆಯ ಬೆಳಕು ಚೆಂದವೋ
ಇಬ್ಬರೇ ಅಲ್ಲಿ ಜತೆಯಲಿ ಎಂದೆಂದಿಗೂ
ಆ ಸುಂದರ ಕ್ಶಣಗಳಿಗೆ ನಾವಿಬ್ಬರೇ ಸಾಕ್ಶಿಯು

ಕತ್ತಲ ರಾತ್ರಿಯೂ ಬಯಕೆಯ ಬಯಸಿದೆ
ತಣಿಸು ಮನವನು ಸೂಚನೆ ನೀಡಿದೆ
ದೇವರ ಕೇಳುವೆ ಯಾರನು ಬೇಡದೆ
ನೀಡು ವರವನು ಮೋಸವ ಮಾಡದೇ

ನವಿಲಿನ ಅಂದವು ನಿನ್ನಯ ಚೆಂದವೂ
ಗರಿಯಲಿ ಬರೆದಿಹೆ ಅದ್ಬುತ ಬರಹವೂ
ಜಿಂಕೆಯ ಮೀರಿಸೋ ಸುಂದರ ನೋಟವೂ
ಸಾಲದು ಬರೆಯಲು ಸುಮದುರ ಕೂಟವು

( ಚಿತ್ರ ಸೆಲೆ: pxhere.com )