ಕವಿತೆ: ನಮ್ಮ ಶಾಲೆ

– ಶ್ಯಾಮಲಶ್ರೀ.ಕೆ.ಎಸ್.

ನಮ್ಮ ಶಾಲೆ ಇದು ನಮ್ಮ ಶಾಲೆ
ಅಕ್ಶರಾಮ್ರುತವ ಉಣ ಬಡಿಸಿ
ಅರಿವಿನ ಹಣತೆಯ ಹೊತ್ತಿಸಿ
ತತ್ವ ಸಾರವ ಬೋದಿಸಿದ ದಿವ್ಯ ಮಂದಿರವೀ
ನಮ್ಮ ಶಾಲೆ,ಇದು ನಮ್ಮಪಾಟಶಾಲೆ

ಗುರುಗಳೆಂಬ ಜ್ನಾನ ಯೋಗಿಗಳು
ವಿದ್ಯೆಯೆಂಬ ದೀವಿಗೆಯ ಬೆಳಗಿಸಿ
ಗುರಿಸಾದನೆಯ ದಾರಿ ತೋರಿಸಿ
ಅಜ್ನಾನದಿಂದ ಸುಜ್ನಾನದೆಡೆಗೆ ಕರೆದೊಯ್ದ ಗುರುಕುಲವೀ
ನಮ್ಮ ಶಾಲೆ, ಇದು ನಮ್ಮ ಪಾಟಶಾಲೆ

ಎಳವೆಯಲ್ಲಿ ಗೆಳೆಯರೊಡಗೂಡಿ
ಹೊತ್ತಿಗೆಯ ಚೀಲವ ಹೊತ್ತೊಯ್ಯುತ
ಓದುತ ಬರೆಯುತ ಪಟಣವ ಮಾಡುತ
ಹಾಸ್ಯ ಹರಟೆಗಳ ತುಂಟತನದಿ ನಲಿದಾಡಿದ ನಂದನವನವೀ
ನಮ್ಮ ಶಾಲೆ, ಇದು ನಮ್ಮ ಪಾಟಶಾಲೆ

ಮರೆತರೂ ಮರೆಯಲಾರೆವು
ಮೊಗ್ಗಿನ ಮನದಲಿ ಅರಳಿದ ಸಿಹಿ ಕನಸುಗಳ
ಮೆಲುಕು ಹಾಕುತ ಸವಿ ಸವಿ ನೆನಪುಗಳ
ಅನುದಿನವು ನೆನೆವ ಆದರ‍್ಶಗಳ ಬಿತ್ತಿದ ಮಾದರಿ ಶಾಲೆ ಈ
ನಮ್ಮ ಶಾಲೆ, ಇದು ನಮ್ಮ ಪಾಟಶಾಲೆ

(ಚಿತ್ರ ಸೆಲೆ:  klp )