ಮುನಿಸಿಕೊಂಡಿದೆ ಮನ

– ಹರ‍್ಶಿತ್ ಮಂಜುನಾತ್.

ಮುನಿಸಿ ಕೊಂಡಿದೆ ಮನದ ಕೋಗಿಲೆ
ಬರೆವಾ ಕಯ್ಗಳನೂ
ಬರಿದು ಮಾಡಿದೆ ಬರೆಯದಂತೆ
ಹರಿದಾ ಹಾಳೆಯನೂ

ಬಿಗಿದಿಹ ಕುಂಚ ಪದಗಳ ಕಡಲು
ಸುಡುತಿದೆ ಒಡಲನ್ನೂ
ಹುಟ್ಟುವ ಮೊದಲೇ ಸುಟ್ಟಾ ಸ್ವರವೂ
ಮೆಟ್ಟಿದೆ ನೆನಪನ್ನೂ

ಹಾಡಲು ಕಂಟವು ನಡುಗಿದೆ ಏಕೋ
ಮುರಿಯದೆ ಮವ್ನವನೂ
ಬರೆದು ಹರಿದೂ ಬಳಲಿದೆ ಜೀವಾ
ಮರೆಯಲಿ ದುಕ್ಕವನೂ

ಕನಸಿನ ಕವನವಿದು ಕನವರಿಕೆಯಲು
ಗುನುಗಿತ್ತು ಸಾಲುಗಳನೂ
ಬೊಗಸೆ ಹಿಡಿದು ಕಾದು ಕುಳಿತರು
ಅಣಿಗೊಳ್ಳದು ಮುನಿಸಿ ಕೊಂಡಿದೆ ಮನ

( ಚಿತ್ರಸೆಲೆ: thepeacefulthought.blogspot.in )