ಸ್ನೇಹವೆಂದರೆ ಚಂದನದಂತೆ

– ವಿನು ರವಿ.

ಸ್ನೇಹವೆಂದರೆ ನೋಯಿಸುವುದಲ್ಲ
ಸಮಯದಿ ಸಾಂತ್ವನಿಸುವುದು

ಸ್ನೇಹವೆಂದರೆ ಸೋಲಿಸುವುದಲ್ಲ
ಗೆಲ್ಲಿಸಿ ಸಂಬ್ರಮಿಸುವುದು

ಸ್ನೇಹವೆಂದರೆ ಸುಮ್ಮನೆ ದೂರುವುದಲ್ಲ
ಕಾರಣ ಬೇಡದೆ ಪ್ರೀತಿಸುವುದು

ಸ್ನೇಹವೆಂದರೆ ಕೈ ಬಿಡುವುದಲ್ಲ
ಕೈ ಹಿಡಿದು ನಡೆಸುವುದು

ಸ್ನೇಹವೆಂದರೆ ದೂರಾಗುವುದಲ್ಲ
ಸದಾ ಹ್ರುದಯದಿ ನೆಲೆಸಿರುವುದು

ಸ್ನೇಹವೆಂದರೆ ಕನಸು ಕಟ್ಟುವುದಲ್ಲ
ನನಸಿನ ದಾರಿಯ ತೋರುವುದು

ಸ್ನೇಹವೆಂದರೆ ಸುಕದ ಹಂಚಿಕೆಯಲ್ಲ
ಕಶ್ಟವ ಹಂಚಿಕೊಳುವುದು

ಸ್ನೇಹವೆಂದರೆ ವಾದ ವಿವಾದವಲ್ಲ
ಗೌರವಿಸಿ ಸಂತಸವೀಯುವುದು

ಸ್ನೇಹವೆಂದರೆ ಚಂದನದಂತೆ
ಎಶ್ಟು ತೀಡಿದರೂ ಗಂದದ
ಪರಿಮಳ ಹರಡುವುದು

(ಚಿತ್ರ ಸೆಲೆ: maxpixel.net)