ಚುಟುಕು ಕವಿತೆಗಳು
ಬದುಕಿಗಾಗಿ ಕಂಡ ಕನಸುಗಳನು
ಉಡುಗೊರೆಯಾಗಿ ನೀಡಿರುವೆ
ಯಾರಿಗೋ ಮಾರದಿರು
***
ಪ್ರೀತಿಯ ಹಕ್ಕಿಗೆ ಬದುಕಿನ ಪಲುಕುಗಳನು
ಬಹಳ ನಲುಮೆಯಿಂದ ಕಲಿಸಿದೆ ಅದು
ಹಾಡುತ್ತಾ ಹಾರಿಹೋಯಿತು
***
ಚಿಟ್ಟೆಯಾಗಬೇಕೆಂಬ ನನ್ನ ಹಂಬಲ
ತೆವಳುವ ಕಂಬಳಿ ಹುಳುವಾಗಿಯೇ
ಕರಗಿಹೋಯ್ತು
***
ಸಾವಿಗೂ ಪ್ರೀತಿ ಎಂದರೆ ತುಂಬಾ ಇಶ್ಟ
ಅದಕ್ಕೇ ಅದು ದೇಹವನ್ನು ಮಾತ್ರ
ಕೊಂದುಹಾಕಿತು
***
ಒಡೆದುಹೋದ ಮನವನು ಸಂತೈಸಲು
ಬಂದವರೆಲ್ಲರೂ ಕೈಗಳಲಿ ಕಲ್ಲುಗಳನು
ಹಿಡಿದು ತಂದರು
(ಚಿತ್ರ ಸೆಲೆ: pngtree.com)
ಇತ್ತೀಚಿನ ಅನಿಸಿಕೆಗಳು