ಒಳಗಿನ ಶಿವನೊಬ್ಬನೇ ದಿಟ
– ಬರತ್ ಕುಮಾರ್.
ನೆರೆ ಬಂದು ಉತ್ತರದಲ್ಲಿ
ಹೊರಗಿನ ಶಿವನು ತೇಲುತಿಹನು
ಒಳಗಿನ ಶಿವನು
ನಲಿಯುತಿಹನು ಅವನ ನೋಡಿ
ನೀರ ಗಂಗೆ ನುಂಗಿಹಳು
ಹೊರಗಿನ ಶಿವನ
ಅರಿವಿನ ಗಂಗೆ
ಸೇರಿಹಳು ಒಳಗಿನ ಶಿವನ
ಹೊರಗಿನದಕ್ಕೆ ಅಳಿವುಂಟು
ಒಳಗಿನದಕ್ಕೆ ಅಳಿವಿಲ್ಲವಿಂದು
ಹೇಳಿದನು ಬಸವಣ್ಣನಂದು
ಕೇಳಿ ಮರೆತೆವು ನಾವು
ತಿಳಿಯದಾದೆವು ಒಳಗಿನ ಶಿವನ
ಹೊರಗಿನ ಶಿವನದು ಬರೀ ಮಾಟ!
ಒಳಗಿನ ಶಿವನೊಬ್ಬನೇ ದಿಟ
ಒಳಗಿನ ಶಿವನೊಬ್ಬನೇ ದಿಟ
ಇತ್ತೀಚಿನ ಅನಿಸಿಕೆಗಳು