ನಿನಗಾಗಿ ಕಾದಿರುವೆ ಓ ಒಲವೇ

– ನಾಗರಾಜ್ ಬದ್ರಾ.

waiting

ಪ್ರೀತಿಯೆಂಬ ಬೆಳೆಯು
ಮೊಳಕೆಯಲ್ಲೇ ಬಾಡುತ್ತಿರಲು
ಮಳೆಯಾಗಿ ಆವರಿಸು ನೀನು

ಉಕ್ಕಿ ಹರಿಯುತ್ತಿರುವ ಕಣ್ಣೀರಿನ ನದಿಯು
ಬತ್ತುವ ಮುನ್ನವೇ
ಕಡಲಾಗಿ ಸೇರು ನನ್ನನು ನೀನು

ಬಾಳಿನ ಗಾಳಿಪಟದ ಸೂತ್ರವು
ಕಡಿಯುವ ಮುನ್ನವೇ
ಸೆರೆಯಾಗು ನನ್ನಲ್ಲಿ ನೀನು

ಜೀವನವೆಂಬ ಗಡಿಯಾರದ ಸಮಯವು
ನಿಲ್ಲುವ ಮುನ್ನವೇ
ಅದರ ಕೀಲಿಯಾಗಿ ಕೂಡಿಕೊಳ್ಳು ನೀನು

ನಿನ್ನ ನೆನಪಿನ ಅಂಗಳದಲ್ಲಿ
ನಾನು ಕಳೆದು ಹೋಗುವ ಮುನ್ನವೇ
ನನ್ನಲ್ಲಿ ಬೆರೆತುಬಿಡು ನೀನು

ನಿನ್ನ ದಾರಿಯ ಕಾಯುತ್ತಿರುವ
ಈ ಜೀವವು ಅಸುನಿಗುವ ಮುನ್ನವೇ
ಉಸಿರಾಗಿ ಆವರಿಸು ನೀನು

(ಚಿತ್ರ ಸೆಲೆ: memes.asia )

ನಿಮಗೆ ಹಿಡಿಸಬಹುದಾದ ಬರಹಗಳು

ಅನಿಸಿಕೆ ಬರೆಯಿರಿ:

%d bloggers like this: