ಜೋಳದ ದೋಸೆ
– ಸವಿತಾ.
ಏನೇನು ಬೇಕು?
- 1 ಲೋಟ ಜೋಳದ ಹಿಟ್ಟು
- 1/2 ಲೋಟ ಚಿರೋಟಿ ರವೆ
- 2 ಚಮಚ ಮೈದಾ ಹಿಟ್ಟು
- 1/2 ಚಮಚ ಜೀರಿಗೆ
- 1 ಹಸಿ ಮೆಣಸಿನಕಾಯಿ
- ಸ್ವಲ್ಪ ಉಪ್ಪು
ಮಾಡುವ ಬಗೆ
- ಜೋಳದ ಹಿಟ್ಟು ಸಾಣಿಸಿ ಇಟ್ಟುಕೊಳ್ಳಿ.
- ಜೋಳದ ಹಿಟ್ಟು, ಮೈದಾ ಹಿಟ್ಟು, ಚಿರೋಟಿ ರವೆ ಮತ್ತು ಎರಡೂ ಮುಕ್ಕಾಲು ಲೋಟ ನೀರು ಹಾಕಿ ಚೆನ್ನಾಗಿ ಕಲಸಿ ಇಟ್ಟುಕೊಳ್ಳಿ.
- ಜೀರಿಗೆ, ಹಸಿ ಮೆಣಸಿನಕಾಯಿ ಮತ್ತು ಸ್ವಲ್ಪ ಉಪ್ಪು ಹಾಕಿ ಕಲ್ಲಿನಲ್ಲಿ ಅರೆದು ಪೇಸ್ಟ್ ಮಾಡಿ ಹಿಟ್ಟಿಗೆ ಹಾಕಿ ಇನ್ನೊಮ್ಮೆ ಚೆನ್ನಾಗಿ ಕಲಸಿಕೊಳ್ಳಿ.
- ತವೆ ಬಿಸಿ ಮಾಡಿ, ಎಣ್ಣೆ ಹಾಕಿ ದೋಸೆ ಹೊಯ್ದು ಎರಡೂ ಬದಿ ಬೇಯಿಸಿರಿ.
ಈಗ ಜೋಳದ ದೋಸೆ ಸವಿಯಲು ಸಿದ್ದ. ಚಟ್ನಿ/ಈರುಳ್ಳಿಪಲ್ಯ /ಆಲೂಗಡ್ಡೆ ಪಲ್ಯದ ಜೊತೆ ತಿನ್ನಲು ಕೊಡಿ.
ಇತ್ತೀಚಿನ ಅನಿಸಿಕೆಗಳು