ಕವಿತೆ : ಕಳಚಿದ ಆ ಕರಾಳ ದಿನಗಳು
ಉರುಳಿದವು ದಿನಗಳು
ಕಳೆದವು ವರುಶಗಳು
ಅಬ್ಬರಿಸಿದರು ವೈರಿಗಳು
ತಾಯಿ ಬಾರತಾಂಬೆಯ ಮಡಿಲೊಳು
ಬದುಕಬೇಕಾಯಿತು ಪರರ ಹಂಗಿನಲ್ಲಿ
ಆಂಗ್ಲರ ಕಪಿಮುಶ್ಟಿಯಲ್ಲಿ
ಸೆಣೆಸಬೇಕಾಯಿತು ಜೀವನ್ಮರಣ ಹೋರಾಟದಲ್ಲಿ
ಪರಕೀಯರ ಕುತಂತ್ರದಲ್ಲಿ
ಹೋರಾಡಿದರು ಮಹನೀಯರು
ಕಾಳಗವ ಮಾಡಿದರು
ಹರಿಸಿದರು ನೆತ್ತರು
ಮುಡುಪಾಗಿಟ್ಟರು ತಮ್ಮ ಉಸಿರು
ಸಹಿಸಲಾಗದ ನೋವು
ಲೆಕ್ಕವಿಲ್ಲದ ಸಾವು
ನಿಲ್ಲದ ಬ್ರಿಟೀಶರ ದರ‍್ಪವು
ಹೆಚ್ಚಿತು ಸ್ವಾಬಿಮಾನದ ಕಾವು
ಉಪವಾಸವ ಮಾಡಿದರು
ಶಾಂತಿಯಿಂದ ಪ್ರತಿಬಟಿಸಿದರು
ಕಾರಾಗ್ರುಹವ ಸೇರಿದರು
ಮರಳಿ ಯತ್ನವ ಮಾಡಿದರು
ಕಳಚಿದವು ಕರಾಳ ದಿನಗಳು
ಮರೆಯಲಾಗದು ಬಿಡುಗಡೆ ಸಿಕ್ಕ ದಿನ
ಸ್ವಾತಂತ್ರ‍್ಯ ದೊರೆತ ಆ ಸುದಿನ
ಆಗಸ್ಟ 15ರ ಶುಬದಿನ
( ಚಿತ್ರಸೆಲೆ : wikipedia )
ಇತ್ತೀಚಿನ ಅನಿಸಿಕೆಗಳು