ಚಿತ್ತ ಚಿತ್ತಾರದ ಗೂಡಲ್ಲಿ
ಕಲ್ಪನೆ ಮೋಡ ಗರಿ ಗರಿ ಬಿಚ್ಚಿ
ತೇಲುತ ತೇಲುತ ಬಾನಲ್ಲಿ
ಸ್ಪೂರ‍್ತಿಯ ಗಾಳಿ ಸೋಂಕಲು ಸಾಕು
ಸುರಿವುದು ಅಕ್ಶರ ಸಾಲಲ್ಲಿ
ರಪರಪ ಮಳೆಹನಿ ಪದಗಳು ಕರಗುತ
ಹೊಂದಿ ನಿಲುವವು ಪ್ರಾಸದಲಿ
ಆಣೇಕಲ್ಲಿನ ಗೊಂಚಲು ಹೊಳೆವುದು
ಅಲಂಕಾರದ ಚಂದದಲಿ
ಕವಿತೆಯ ಒಳದನಿ ಲುಟುಪುಟು ಲುಟುಪುಟು
ಹರಿವುದು ಜುಳುಜುಳು ಲಯದಲ್ಲಿ
ಇಳೆಯ ಓದುಗ ರುಚಿಯನು ಸವಿವನು
ಅರ‍್ತ ಬಾವದಿ ಮುಳುಗುತಲಿ
ಗಿಳಿಮರಿ ಕೋಗಿಲೆ ಮಾತ್ರೆ ಗಣಗಳು
ನಲಿವವು ಸೊಬಗಿನ ಮೇಳದಲಿ
ಹಸಿರೆಲೆ ಗಿಡಮರ ಚರಣ ಪಲ್ಲವಿ
ಒಲಿವವು ತಾಳ ಹಾಕುತಲಿ
ಮರಿದುಂಬಿಗಳು ಜೇಂಕರಿಸುವವು
ಹೂ ಹೂ ಪರಿಮಳ ಹೀರುತಲಿ
ರುಚಿರುಚಿ ಮದುವನು ಕೂಡಿಸಿ ಇಡುವವು
ಚಿತ್ತ ಚಿತ್ತಾರದ ಗೂಡಲ್ಲಿ
(ಚಿತ್ರ ಸೆಲೆ: unsplash.com)
ಇತ್ತೀಚಿನ ಅನಿಸಿಕೆಗಳು