ಕವಿತೆ: ಚಂದ್ರಯಾನ

– ಚಂದ್ರಗೌಡ ಕುಲಕರ‍್ಣಿ.

ಕೋಟಾದಿಂದ ಹಾರಿಸಿಬಿಡುವುದು
ಬಾಹ್ಯಾಕಾಶ ಕೇಂದ್ರ
ಏರುತ ಏರುತ ಬಾನ ಬಂಡಿಯು
ಮುಟ್ಟಲೆಂದು ಚಂದ್ರ

ಚಂದ್ರಯಾನಕೆ ಸಿದ್ದವಾಗಿದೆ
ಪ್ರಗ್ನಾನ್ ವ್ಯೋಮ ನೌಕೆ
ಆರು ಚಕ್ರದ ರೋವರ್ ನಲ್ಲಿ
ಸೌರ ಶಕ್ತಿಯ ಬಳಕೆ

ಕಕ್ಶೆಗೆ ಹೊತ್ತು ಒಯ್ಯುತಲಿಹುದು
ಜಿ ಎಸ್ ಎಲ್ ವಿ ಮಾರ‍್ಕು
ಲಕ್ಶ ಕಿಲೋ ಮೀಟರ್ ಎತ್ರಕೆ
ಹಾರಿಸಿಬಿಟ್ರೆ ಸಾಕು

ಬಾಹುಬಲಿವೀರ ರಾಕೆಟ್ ನಿಂದ
ಚಂದ್ರನ ದಕ್ಶಿಣ ದ್ರುವಕೆ
ಜೋಕೆಯಿಂದ ಇಳಿಸಿಬಿಡುವುದು
ವಿಕ್ರಮ ಲ್ಯಾಂಡರ್ ನೆಲಕೆ

ನಾಲ್ವತ್ತೇಳ್ದಿನ ಯಾನವ ಮುಗಿಸಿ
ಇಳಿದರೆ ಚಂದ್ರನ ಕುಳಿಗೆ
ಸೆಪ್ಟೆಂಬರ್ ಆರಾಗುವುದು
ದೇಶಕೆ ಶುಬದ ಗಳಿಗೆ

ದೊಡ್ಡ ಕಂದರ ಚಂದ್ರ ಕುಳಿಯಲಿ
ತಿರುಗಿ ಅತ್ತ ಇತ್ತ
ದಿನವು ದಿನವು ಕಳಿಸಲಿರುವುದು
ವಿಸ್ಮಯ ಬೆರಗಿನ ಚಿತ್ರ

ಬಾರತ ದೇಶದ ಅರಿಮೆಯ ಕಳಸಕೆ
ಮುಡಿಪು ನನ್ನ ಕವನ
ಇಸ್ರೋ ಸಂಸ್ತೆಗೆ ಸಲ್ಲಿಸಬೇಕು
ಈಗಿಂದೀಗಲೆ ನಮನ

(ಚಿತ್ರ ಸೆಲೆ: zeenews.india.com)