ಕವಿತೆ : ಎಲ್ಲರ ಬಾಳನು ಬೆಳಗಲಿ ಸಂಕ್ರಾಂತಿ
ಮುಂಜಾನೆಯ ನಸುಕಿನಲ್ಲಿ
ಮಡಿಯನುಟ್ಟ ನೀರೆಯರು
ಅಂಗಳಕ್ಕೆ ನೀರೆರೆದು ಬಿಡಿಸಿಹರು
ಚಿತ್ತಾರದ ರಂಗವಲ್ಲಿ
ಮಾಗಿಯ ಚಳಿಯಲ್ಲಿ
ಮಾದವನ ನೆನೆದು
ಹುಗ್ಗಿಯ ಸವಿ ಸವಿದು
ಮುಳುಗಿಹರು ಸುಗ್ಗಿಯ ಸಂಬ್ರಮದಲ್ಲಿ
ರೈತರ ಶ್ರಮದಿ ಬಂದ
ವರುಶದ ಪಸಲು
ನೋಡುತಿರೆ ಆನಂದ
ದಾನ್ಯಗಳ ರಾಶಿಯ ಸಾಲು
ಸಿಂಗರಿಸಿದ ದನಕರುಗಳು
ಇವರು ಅನ್ನದಾತನ ಮಿತ್ರರು
ಮೆರವಣಿಗೆಗೆ ಸಿದ್ದವಾಗಿಹ ಜಾನುವಾರಗಳು
ಬೂದೇವಿಯ ಮೂಕಸೇವಕರು
ಎಳ್ಳು ಬೆಲ್ಲದ ಸಿಹಿಯ ಹಂಚುತ್ತಾ
ಸೌಹಾರ‍್ದವ ಸಾರುವ ಚಿಣ್ಣರು
ಕಬ್ಬಿನ ಜಲ್ಲೆಯ ರಸವ ಹೀರುತ್ತಾ
ಹಬ್ಬದ ಸಡಗರದಿ ನಲಿದಿಹರು
ಪತವ ಬದಲಿಸುತ್ತಿರಲು ಸೂರ‍್ಯನು
ಅದುವೇ ಉತ್ತರಾಯಣ
ಮಕರ ರಾಶಿಗೆ ಸಾಗುತ ನೇಸರನು
ತಂದಿಹ ಮಕರ ಸಂಕ್ರಮಣ
ಹೊಳೆಯುತಿರೆ ರವಿಯ ಕಾಂತಿ
ಮೂಡಲಿ ಮನಕೆ ಶಾಂತಿ
ಹೊರದೂಡಲಿ ಕ್ರಾಂತಿಯ ಬ್ರಾಂತಿ
ಎಲ್ಲರ ಬಾಳನು ಬೆಳಗಲಿ ಸಂಕ್ರಾಂತಿ
( ಚಿತ್ರ ಸೆಲೆ: apk-cloud.com )
ಇತ್ತೀಚಿನ ಅನಿಸಿಕೆಗಳು