ಕವಿತೆ: ಮಿನುಗು ತಾರೆ ನೀನು
– ವಿನು ರವಿ.
ಎಲ್ಲೆಲ್ಲೊ ಹುಡುಕಿದೆ ನಿನ್ನಾ
ನೀನೇಕೆ ಕಾಣದೆ ಕಾಡಿದೆ ನನ್ನಾ
ಜಗಕೆ ಒಲಿದೆಯಲ್ಲ ನೀನು
ನಿನಗೆ ಒಲಿದೆನಲ್ಲ ನಾನು
ಒಲಿದು ಬಂದ ನನ್ನ ನೀನು
ದೂರ ಮಾಡುವುದು ಸರಿಯೇನು
ನಿನ್ನಂತೆ ಸೆಳೆದವರ ಕಾಣೆನು
ಮದುರ ಮೋಹರಾಗ ನೀನು
ಒಲುಮೆಗೊಂದು ಹೆಸರು ನೀನು
ಮರೆತು ಹೇಗೆ ಇರಲಿ ನಾನು
ದೂರದ ಮಿನುಗು ತಾರೆ ನೀನು
ಬಳಿಗೆ ಬರಲು ದಾರಿ ಏನು
ಒಮ್ಮೆ ಬಂದು ನೋಡು ನೀನು
ನಿನ್ನ ಕಣ್ಣ ಬಿಂಬ ನಾನು
ಬಯಕೆ ಬಂದ ಮೀರಿ ನಾನು
ಮರೆತು ನಿಂತೆ ನನ್ನೆ ನಾನು
ಎದೆಯ ಗುಡಿಯ ದೀಪ ನೀನು
ದಿವ್ಯ ಕಾಂತಿ ಬೆಳಕು ನೀನು
( ಚಿತ್ರ ಸೆಲೆ: pixabay.com )
ಸೂಪರ್
ತುಂಬ ಚೆನ್ನಾಗಿದೆ
ವ್ಹಾಹ್ ಬಲು ಸುಂದರ ✍??