ಕವಿತೆ: ಬನ್ನಿ ದುಂಬಿಗಳೇ
– ಮಲ್ಲೇಶ್. ಎಸ್.
ಬನ್ನಿ ಬನ್ನಿ ದುಂಬಿಗಳೇ
ಜೇಂಕಾರವ ಹಾಡಿರಿ
ನನ್ನೆದೆಯ ಬಾಂದಳದಿ
ಹೊಸ ರಾಗವ ತನ್ನಿರಿ
ಹೊಸಬಾಳಿನ ರುತುವಿಗೆ
ಚಿಗುರೆಲೆಯ ತೋರಣ
ನವಚೈತ್ರದ ಕೊರಳಿಗೆ
ಚಂದ್ರಮನ ಆಹ್ವಾನ
ಬನ್ನಿ ಇಲ್ಲಿಯೇ ನೆಲಸಿಹುದು
ಹೊಸ ಕಾಮನೆ ಒಲವು
ಬನ್ನಿ ಇಲ್ಲಿಯೇ ಅಡಗಿಹುದು
ಸ್ರುಶ್ಟಿಯ ಹೊಸ ನಿಲುವು
ಅತ್ತು ಬಳಲಿದ ಬಾಳಿಗೆ
ಪ್ರೀತಿಯ ಮಳೆ ಸುರಿಸಿರಿ
ಬತ್ತಿ ಹೋಗಿಹ ನಮ್ಮೆದೆಗೆ
ಹಾಲಿನ ಹೊಳೆ ಹರಿಸಿರಿ
ಬನ್ನಿ ಬನ್ನಿ ದುಂಬಿಗಳೇ
ಜೇಂಕಾರವ ಹಾಡಿರಿ
ನನ್ನೆದೆಯ ಬಾಂದಳದಿ
ಹೊಸ ರಾಗವ ತನ್ನಿರಿ
(ಚಿತ್ರ ಸೆಲೆ: unsplash.com)
ಇತ್ತೀಚಿನ ಅನಿಸಿಕೆಗಳು