ಕವಿತೆ: ಸುಗ್ಗಿಯ ಸಗ್ಗ ಸಂಕ್ರಾಂತಿ
ವರುಶದ ಜೊತೆಗೆ ಹರುಶವ ಬೆರೆಸಿ
ಹೊಸತನದ ಕಳೆ ತುಂಬುವ ಸಂಕ್ರಾಂತಿ
ಜನಪದ ಸೊಗಡಲಿ ಜಗಮಗಿಸೋ
ಸುಗ್ಗಿಯ ಸಗ್ಗವೀ ಸಂಕ್ರಾಂತಿ
ಬಣ್ಣ ಬಣ್ಣದ ರಂಗವಲ್ಲಿಯ ರಂಗಲ್ಲಿ
ರಂಗೇರುವ ಹಬ್ಬವೀ ಸಂಕ್ರಾಂತಿ
ರೈತನ ಪಸಲಿಗೆ ಬಕ್ತಿಯಿಂ ನಮಿಸಿ
ಬೂತಾಯಿಯ ಸ್ಮರಿಸುವ ಸಂಕ್ರಾಂತಿ
ಮಾಗಿಯ ಚಳಿಗೆ ಹುಗ್ಗಿಯ ಸವಿದು
ಮೈ ನವಿರೇಳಿಸೋ ಸಂಕ್ರಾಂತಿ
ಕಬ್ಬಿನ ಜಲ್ಲೆಯ ಸಿಹಿಯನು ಹೀರುತಾ
ಬಾಳಿಗೆ ನಲಿವನು ಬೆಸೆಯುವ ಸಂಕ್ರಾಂತಿ
ಗೆಜ್ಜೆಯ ಕಟ್ಟಿದ ರಾಸುಗಳ
ಕಿಚ್ಚನು ಹಾಯಿಸೋ ಸಂಕ್ರಾಂತಿ
ಎಳ್ಳು ಬೆಲ್ಲವ ಬೀರುತಾ
ಸಮರತೆಯ ಸಾರುವ ಸಂಕ್ರಾಂತಿ
ನೇಸರನ ಪತಸಂಚಲನಕೆ
ಜೊತೆಯಾಗುವ ಸಂಕ್ರಾಂತಿ
ಬದುಕಿನ ಹೆಜ್ಜೆಗೆ ಬರವಸೆಯ
ಬೆಳಕನು ಚೆಲ್ಲುವ ಸಂಕ್ರಾಂತಿ
( ಚಿತ್ರ ಸೆಲೆ: apk-cloud.com )
ಇತ್ತೀಚಿನ ಅನಿಸಿಕೆಗಳು