ನಾವು ಕನ್ನಡಿಗರು
ಬಡಗಣದಿಂದ ತೆಂಕಣದವರೆಗೆ,ಪಡುವಣದಿಂದ ಮೂಡಣದವರೆಗೆ ಇರುವ – ನಾವು ಕನ್ನಡಿಗರು.
ಕರಾವಳಿಯ ಕಡಲ, ಮಲೆನಾಡ ಬೆಟ್ಟ ಗುಡ್ಡದ, ಬಯಲು ಸೀಮೆಯ ಬೆರಗಿನ – ನಾವು ಕನ್ನಡಿಗರು.
ಕೊಡಚಾದ್ರಿ, ಕುದುರೆಮುಕ, ಕೆಮ್ಮಣ್ಣು ಗುಂಡಿ, ನಂದಿ ಬೆಟ್ಟ, ಬಿಳಿಗಿರಿ ರಂಗನ ಬೆಟ್ಟದೆತ್ತರದ – ನಾವು ಕನ್ನಡಿಗರು.
ಅಬ್ಬೆ, ಹೆಬ್ಬೆ,ಇ ರುಪ್ಪು, ಕಲ್ಲತ್ತಿ, ಶಿವನ ಸಮುದ್ರ, ಜೋಗ, ಮಾಗೋಡು, ಗೋಕಾಕಿನ ಬೆರಗನು ಕಾಣುವ – ನಾವು ಕನ್ನಡಿಗರು.
ಕ್ರಿಶ್ಣ, ಬೀಮ, ತುಂಗಬದ್ರ, ಕಾಳಿ, ನೇತ್ರಾವತಿ, ಶರಾವತಿ, ಕಬಿನಿ, ಕಾವೇರಿಯಲ್ಲಿ ಮೀಯುವ – ನಾವು ಕನ್ನಡಿಗರು.
ಬೇಲೂರು, ಹಳೇಬೀಡು, ಹಂಪಿ,ಬಾದಾಮಿ, ಐಹೊಳೆ, ಪಟ್ಟದಕಲ್ಲು ಕಲ್ಲಿನಲ್ಲಿ – ನಾವು ಕನ್ನಡಿಗರು.
ಗಂದದ ಗುಡಿ, ಚಿನ್ನದ ನಾಡು, ಬೆಳೆಗಳ ಬೀಡು, ಕಬ್ಬಿಗರ ನಾಡಿನ – ನಾವು ಕನ್ನಡಿಗರು.
ಕರಾವಳಿ ಕನ್ನಡ, ಕುಂದಗನ್ನಡ, ಬಯಲುಸೀಮೆ ಕನ್ನಡ, ಮೈಸೂರು ಕನ್ನಡ, ಹವಿಗನ್ನಡದ ಸವಿಯ – ನಾವು ಕನ್ನಡಿಗರು
ನಲ್ನುಡಿ, ಸಿರಿನುಡಿ, ಸವಿನುಡಿ, ಹೊನ್ನುಡಿ, ಚೆನ್ನುಡಿಯನ್ನಾಡುವ – ನಾವು ಕನ್ನಡಿಗರು.
ಕದಂಬ, ಗಂಗ, ಚಾಲುಕ್ಯ, ರಾಶ್ಟ್ರಕೂಟ, ಹೊಯ್ಸಳ, ವಿಜಯನಗರ, ಮಯ್ಸೂರರಸರಂತೆ ಮತ್ತು ಮುಂದೂ – ನಾವು ಕನ್ನಡಿಗರು.
ಮಯೂರಶರ‍್ಮ, ಇಮ್ಮಡಿ ಪುಲಕೇಶಿ, ವೀರ ಬಲ್ಲಾಳ, ಕ್ರಿಶ್ಣದೇವರಾಯರ ಎಂಟೆದೆಯ, ಕೆಚ್ಚೆದೆಯ – ನಾವು ಕನ್ನಡಿಗರು.
ಪಂಪ, ರನ್ನ, ಜನ್ನ, ಹರಿಹರ, ರಾಗವಾಂಕ, ಆಂಡಯ್ಯ, ಕುಮಾರ ವ್ಯಾಸ, ಮುದ್ದಣನ ಮುದ್ದಿನ – ನಾವು ಕನ್ನಡಿಗರು.
ಸಂಗೊಳ್ಳಿ ರಾಯಣ್ಣ, ಬೆಳವಡಿ ಮಲ್ಲಮ್ಮ, ಒನಕೆ ಓಬವ್ವ, ಕಿತ್ತೂರು ಚೆನ್ನಮರ ಮಡಿಲಿನ – ನಾವು ಕನ್ನಡಿಗರು.
ವಿದ್ಯಾರಣ್ಯ,ಕನಕ, ಪುರಂದರ, ವ್ಯಾಸರಾಯ, ವಿಜಯ, ಶಿಶುನಾಳರ ಶಿಶುಗಳು – ನಾವು ಕನ್ನಡಿಗರು.
ಬಸವಣ್ಣ, ಅಲ್ಲಮಪ್ರಬು, ಅಕ್ಕಮಹಾದೇವಿ, ಅಂಬಿಗರ ಚೌಡಯ್ಯ, ಸರ‍್ವಗ್ನರ ವಚನಗಳನ್ನು ಸವಿಯುವ – ನಾವು ಕನ್ನಡಿಗರು .
ರಾಮಮೂರ‍್ತಿ, ಅನಕ್ರು, ಸದಾಶಿವರಾಯ, ಶ್ರೀಕಂಟಯ್ಯ, ಹುಯಿಲಗೋಳ, ಅಲೂರರಿಂದ ಅರಳಿದ – ನಾವು ಕನ್ನಡಿಗರು.
ಕುವೆಂಪು, ಕಾರಂತ, ಬೇಂದ್ರೆ, ಮಾಸ್ತಿ, ಗೋಕಾಕ, ಮೂರ‍್ತಿ, ಕಾರ‍್ನಾಡ, ಕಂಬಾರರ ಕತೆ ಕವನಗಳ – ನಾವು ಕನ್ನಡಿಗರು
ತೊಗಲುಗೊಂಬೆ, ವೀರಗಾಸೆ, ಯಕ್ಶಗಾನ, ಕರಡಿಮಜಲು, ಕಂಸಾಳೆ, ಡೊಳ್ಳುಕುಣಿತದ ಸೊಗಡನು ಸವಿದ – ನಾವು ಕನ್ನಡಿಗರು
ರಾಜಕುಮಾರ, ನರಸಿಂಹರಾಜು, ವಿಶ್ಣುವರ‍್ದನ, ಶಂಕರ, ಕಲ್ಪನ, ಕಣಗಾಲರ ಕಣ್ಮಣಿಗಳು – ನಾವು ಕನ್ನಡಿಗರು
ವೀರಣ್ಣ, ಸುಬ್ಬಣ್ಣ, ಕಾರಂತ, ಲೀಲಾ, ಹೊನ್ನಪ್ಪ ಬಾಗವತ, ಕೆರೆಮನೆಯವರ ಕುಣಿದಾಟಗಳನು ಕಣ್ ತುಂಬಿಕೊಂಡ – ನಾವು ಕನ್ನಡಿಗರು.
ಅನಂತಸ್ವಾಮಿ, ಅಶ್ವತ್ತ, ಸುಬ್ಬಣ್ಣ, ಬಾನಂದೂರು, ಬಾಳಪ್ಪ, ನಾವಡರ ಮೋಡಿಗೆ ಒಳಗಾದ – ನಾವು ಕನ್ನಡಿಗರು.
ಆಟೋಟಗಳು, ಕಲೆ, ಸಾಹಿತ್ಯ, ಆಳ್ವಿಕೆ, ಕಲಿಕೆ, ಹಲವು ಅರಿಮೆಗಳ ಗರಿಮೆಯ – ನಾವು ಕನ್ನಡಿಗರು.
ಹೊರನಾಡು, ಒಳನಾಡು, ನಾಡಿನ ಎಲ್ಲೆ ಎಲ್ಲೆಗಳಲಿ ಕನ್ನಡದೀಪವನು ಬೆಳಗಿದ ಮತ್ತು ಬೆಳಗುತ್ತಿರುವ – ನಾವು ಕನ್ನಡಿಗರು.
( ಚಿತ್ರ ಸೆಲೆ: karavenalnudi.blogspot.in )
ಇತ್ತೀಚಿನ ಅನಿಸಿಕೆಗಳು