ಕವಿತೆ: ಗುಳಿಕೆನ್ನೆ ಹುಡುಗಿ
ತುಸುದೂರ ನಿಂತು ಗುಳಿಕೆನ್ನೆ ಹಿಡಿದು
ನಿನ್ನ ಮಾತಿಗೆಳೆಯಲೇ
ಆ ತುಂಟ ಮೌನ ಮೋರೆ ಗಂಟು ಜಗಳ
ಮನ ತುಂಬೀತಾಗಲೇ !
ಹಸಿರುಟ್ಟ ಉಡುಗೆ ಹಸಿರೂರ ಗಿರಿಗೆ
ಕಳೆ ಕಟ್ಟಿತೆನ್ನಲೇ
ಮಲೆನಾಡ ಮಗಳು ಮಳೆಬಿಲ್ಲೆ ಅವಳು
ಬದುಕು ರಂಗೇರಿತಾಗಲೇ !
ಎನ್ನವ್ವ ಎನಗೆ ತೋರಿರ‍್ಪ ಶಶಿಗೆ
ಸರಿಸಾಟಿ ನೀನೆಲೇ
ಮುಂಗುರುಳು ಹುಡುಕೊ ಬೆರಳೆನ್ನ
ಸರನೆ ಸರಿದಾಡಿತಾಗಲೇ !
ಆ ಬಳುಕು ಬಿನ್ನಾಣ ನಿನ ನಡುವಾಟ
ನಾನಲ್ಲೇ ಸೋತೆನೇ
ಅದರವ ಅರಸುವ ರಸಿಕ ಎನ್ನ ಮನಕೆ
ದುಂಬಿಯ ಸಂಗಬೇಕೆಲೇ !
ಅರಸ ನಾನು ಕನಸಿನ ಅರಮನೆಗೆ
ಹುರುಪೆನಗೆ ನಿನ ನೆನಪೆ
ನೀ ಬರದೆ ಮರೆಯಾದರೆ ಬೆಳಕೆ
ಕನಸಿರದೆ ಮಡಿವೇನಾಗಲೇ !
(ಚಿತ್ರ ಸೆಲೆ: unsplash.com)
ಇತ್ತೀಚಿನ ಅನಿಸಿಕೆಗಳು