ಮಳೆಹನಿಗೆ ಹಸಿರಿನ ಕಾತರ
ಮಣ್ಣಿಗೆ ಬಾನಿನ ಹನಿಗಳ ಆತುರ
ಮಳೆಹನಿಗೆ ಮಣ್ಣಿನ ಹಸಿರಿನ ಕಾತರ
ನದಿಗೆ ಸಾಗರ ಸೇರುವ ಆತುರ
ಸಾಗರಕೆ ನದಿಗಳ ಸಿಹಿಯ ಕಾತರ
ಕವಿಗೆ ಕವನದ ಸಾಲುಗಳ ಆತುರ
ಕವನಕೆ ಬಾವದ ಜನನದ ಕಾತರ
ಸಂಗೀತಕೆ ನುಡಿಸುವ ಸ್ಪರ‍್ಶದ ಆತುರ
ಸ್ಪರ‍್ಶಕೆ ಸುಮದುರ ಸಂಗೀತದ ಕಾತರ
ಮಗುವಿಗೆ ಮದುರ ನಗುವಿನ ಆತುರ
ನಗುವಿಗೆ ನಗಿಸುವ ಮನಸಿನ ಕಾತರ
ಕಣ್ಣಿಗೆ ಕಣ್ಮಣಿಯ ನೋಡುವ ಆತುರ
ಮನಸಿಗೆ ಪ್ರೇಮದ ಬಾಶೆಯ ಕಾತರ
ಪ್ರೀತಿಗೆ ಮನಸಿನ ಮಿಲನದ ಆತುರ
ಈ ಮಿಲನಕೆ ಸವಿಸವಿ ಸಮಯದ ಕಾತರ
(ಚಿತ್ರಸೆಲೆ: pnnl.gov )
ಇತ್ತೀಚಿನ ಅನಿಸಿಕೆಗಳು