ಹನಿಗವನಗಳು
*** ಆಸರೆ ***
ಬಿರುಗಾಳಿ ಮಳೆಗೆ ತತ್ತರಿಸಿದ ಜೀವ
ತಪ್ಪಿಸಿಕೊಂಡು ಗುಡಿಸಲಿನಾಸರೆ ಪಡೆದಾಗ
ಚಾವಣಿ ಕುಸಿದು ತಲೆಮೇಲೆ ಬಿದ್ದಂತೆ
ನಿನ್ನ ಪ್ರೇಮ
*** ಹದ್ದು ***
ದಟ್ಟ ಕಾನನದ ಬೆಟ್ಟದ ತುದಿಯಲ್ಲಿ
ಎತ್ತರೆತ್ತರಕ್ಕೆ ಹಾರಿ
ಹಸಿರ ಸಿರಿ ಸವಿಯುವ
ಹದ್ದು ನಾನು
ನಾ ದಣಿದಾಗ ವಿಶ್ರಮಿಸುವ
ಬೋಳು ಮರವಾಗಬೇಡ ನೀನು
*** ಪ್ರೀತಿ ಸಾಲ ***
ತುಂತುರು ಮಳೆಯಂತ
ನಿನ್ನ ಪ್ರೀತಿಗೆ ಹದವಾಗಿದೆ ಮೈಮನ
ಅತಂತ್ರವಾದ ಸ್ವತಂತ್ರ
ಬದುಕಿಗೇಕೆ ನಿನ್ನ ಕನ್ನ,
ಮಾಡಿಬಿಡು ನನ್ನದೆಯ ರಾಣಿ
ಇಶ್ಟು ದಿನದ ಬರಡು ಬದುಕಿನ
ಪ್ರೀತಿ ಸಾಲಮನ್ನ
(ಚಿತ್ರ ಸೆಲೆ: ecosalon.com)
ಇತ್ತೀಚಿನ ಅನಿಸಿಕೆಗಳು