ಕವಿತೆ: ನೀನೆಂದರೆ
– ವಿನು ರವಿ.
ನೀನೆಂದರೆ ಅನುರಾಗವಲ್ಲ
ಎದೆ ತುಂಬಾ ಆರಾದನೆ
ನೀನೆಂದರೆ ಕಾಮನೆಯಲ್ಲ
ಕಣ್ಣು ತುಂಬಾ ಅಬಿಮಾನ
ನೀನೆಂದರೆ ಬೇಡಿಕೆಯಲ್ಲ
ಮೌನದಿ ಮಾಡುವ ಪ್ರಾರ‍್ತನೆ
ನೀನೆಂದರೆ ಬಾವುಕತೆಯಲ್ಲ
ಮಾತಿಗೆ ನಿಲುಕದ ಮದುರಾನುಬೂತಿ
ನೀನೆಂದರೆ ಉಲ್ಲಾಸವಲ್ಲ
ಮೈಮನದೊಳಗೆಲ್ಲಾ ಹುರುಪು
ನಿನ್ನಾ ಮೈತ್ರಿಗೆ ವಿರಾಮವಿಲ್ಲ
ಈ ಅನುಬಂದಕೆ ಕೊನೆಯಿಲ್ಲ
ನಿನ್ನಾ ಕಾಣುವ ಆತುರವಿಲ್ಲ
ನಿನ್ನಾ ಸೇರುವ ಬಯಕೆಯಿಲ್ಲ
ಅನುದಿನ ಅನುಕ್ಶಣ ನಿನ್ನದೆ ದ್ಯಾನ
ಮರೆತ ದಿನ ಕಳೆದುಕೊಂಡಂತೆ ನನ್ನತನ
( ಚಿತ್ರ ಸೆಲೆ: pixabay.com )
ಅದ್ಭುತ ಕವಿತೆ. ಪಕ್ವಗೊಂಡ ಪ್ರೀತಿಯ ಅಭಿವ್ಯಕ್ತಿ. ಮುದಗೊಳಿಸುವ ಅನುಭವ ನೀಡುವ ಓದು.