ಕವಿತೆ: ಹೊಸ ವರುಶದ ಹೊಸ ಪಯಣ
ಚೈತ್ರ ಮಾಸದ ಆಗಮನಕ್ಕೆ
ನೂತನ ವರ‍್ಶವು ಅಡಿ ಇಟ್ಟಿದೆ
ನವಚೇತನ ಮೂಡಿದೆ
ವಸಂತ ರುತುವಿನ ಆರ‍್ಬಟಕ್ಕೆ
ಮಾಮರವು ಚಿಗುರೊಡೆದಿದೆ
ಕೋಗಿಲೆಯ ಮದುರ ಸ್ವರ ಹೊಮ್ಮಿದೆ
ನವಸಂವತ್ಸರದ ಆರಂಬಕ್ಕೆ
ಯುಗಾದಿಯು ಸಂಬ್ರಮ ತಂದಿದೆ
ನವೋಲ್ಲಾಸ ತುಂಬಿದೆ
ತಳಿರು ತೋರಣಗಳ ಸಿಂಗಾರಕ್ಕೆ
ತರುಲತೆಗಳು ಹಿಗ್ಗಿವೆ
ನವ ಬಾಳು ಹಸಿರಾಗಿದೆ
ಗಮಗಮಿಸುವ ಹೋಳಿಗೆಯ ನೈವೇದ್ಯಕ್ಕೆ
ಪರಮಾತ್ಮನು ದರೆಗಿಳಿದಂತಿದೆ
ಬಕ್ತರ ಮನವು ಹೊಸತನವ ಕೋರಿದೆ
ಬೇವಿನ ಕಹಿ, ಬೆಲ್ಲದ ಸಿಹಿಯೊಂದಿಗೆ
ಬದುಕು ನೋವು ನಲಿವುಗಳ ಸ್ವಾಗತಿಸಿದೆ
ಹೊಸ ವರುಶದ ಹೊಸ ಪಯಣ ಶುರುವಾಗಿದೆ
(ಚಿತ್ರ ಸೆಲೆ: welcome-the-new-year-with-ugadi)
ಚೆನ್ನಾಗಿದೆ