ಕವಿತೆ: ಕಾಣದ ಕನಸು

– ಶ್ವೇತ ಪಿ.ಟಿ.

ಕಾಣದ ಕನಸು ಕಾಡಿದೆ ಮನದಲಿ
ಕಾಡಿಸಿ ಪೀಡಿಸಿ ಮನವನು ಕದಲಿಸಿ
ಮೋಡಿಯ ಮಾಡಿ ಚತುರತೆ ತೋರಿಸಿ
ದಾರಿಯ ತಪ್ಪಿಸಿ ತನ್ನೆಡೆ ಸೆಳೆದಿದೆ

ಬೇಡದ ಮಾತಿಗೆ ಗಮನವ ಹೆಚ್ಚಿಸಿ
ಕುಶಿಯನು ಕರಗಿಸಿ ಕೊರಗನು ತುಂಬಿಸಿ
ಇಲ್ಲದ ಸಲ್ಲದ ಬಯವನು ಹುಟ್ಟಿಸಿ
ಮೆರೆದಿದೆ ಜಯದೀ ನಗೆ ಬೀರುತಲಿ

ನಡೆ ನೀ ನಡೆ, ನೀ ಸರಿ ದಾರಿಯಲಿ
ದಿಟ್ಟ ದ್ರುಶ್ಟಿಯ ಗುರಿಯೆಡೆ ನೆಟ್ಟಿಸಿ
ಬಾಡಿದ ಮೊಗದಲಿ ನಗುವನು ಚಿಮ್ಮಿಸಿ
ಬೆಳಗಿಸು ಮಿನುಗಿಸು ಜೀವನ ಜ್ಯೋತಿ

(ಚಿತ್ರ ಸೆಲೆ: unsplash.com)