ಕವಿತೆ: ದೇವರು ತಪ್ಪು ಮಾಡಿದ
– ವೆಂಕಟೇಶ ಚಾಗಿ.
ದೇವರು ನಿನಗೆ ಮಾತು ಕೊಟ್ಟು
ತಪ್ಪು ಮಾಡಿದ
ಮಾತಿನಲ್ಲಿ ಮನೆ ಕಟ್ಟಿದೆ
ಮಾತಿನಿಂದ ದೇವರ ಬಣ್ಣಿಸಿದೆ
ಮಾತಿನಲೆ ಕೆಡಕು ಮಾಡಿದೆ
ಮಾತಿನಿಂದ ಮಾತು ಕೊಟ್ಟೆ
ಕೊಟ್ಟ ಮಾತನು ತಪ್ಪಿ ನಡೆದು
ನೀನು ತಪ್ಪು ಮಾಡಿದೆ
ದೇವರು ನಿನಗೆ ಬುದ್ದಿ ಕೊಟ್ಟು
ತಪ್ಪು ಮಾಡಿದ
ಬುದ್ದಿಯಿಂದ ಅಬಿವ್ರುದ್ದಿ ಎಂದೆ
ಬುದ್ದಿ ಕಲಿತು ಬುದ್ದಿ ಹೇಳಿದೆ
ಬುದ್ದಿಯುಳ್ಳವರಿಗೆ ಬದ್ದನಾದೆ
ಬುದ್ದಿಯಿಂದಲೇ ಸುದ್ದಿಯಾದೆ
ಕೆಡಕು ಬುದ್ದಿಯ ತುಂಬಿಕೊಂಡು
ನೀನು ತಪ್ಪು ಮಾಡಿದೆ
ದೇವರು ನಿನಗೆ ನಗು ಕೊಟ್ಟು
ತಪ್ಪು ಮಾಡಿದ
ನಗುವ ಸಮಯದಿ ನಗಲಿಲ್ಲ
ನಗುವವರ ಕಂಡು ಸಹಿಸಲಿಲ್ಲ
ನೀ ನಕ್ಕು ಪರರ ನಗಿಸಲಿಲ್ಲ
ನಗುವ ಜಗವ ಕಟ್ಟಲಿಲ್ಲ
ಕೊನೆಗೆ ಕುಹಕ ನಗೆಯ ಬೀರಿ
ನೀನು ತಪ್ಪು ಮಾಡಿದೆ
ದೇವರು ನಿನಗೆ ಸ್ವರ್ಗ ಕೊಟ್ಟು
ತಪ್ಪು ಮಾಡಿದ
ಸ್ವರ್ಗವಲ್ಲದ ಸ್ವರ್ಗ ಕಟ್ಟಿದೆ
ಹಸಿರ ಅಳಿಸಿ ಹಸಿರು ಬಳಿದೆ
ಉಸಿರು ಕೆಡಿಸಿ ಹೆಸರು ಪಡೆದೆ
ಕಡಲ ಕಡೆದು ಒಡಲು ಹರಿದೆ
ದರೆಯ ಸ್ವರ್ಗವ ನರಕ ಮಾಡಿ
ನೀನು ತಪ್ಪು ಮಾಡಿದೆ
ದೇವರು ನಿನಗೆ ಮನವ ಕೊಟ್ಟು
ತಪ್ಪು ಮಾಡಿದ
ಕೆಡಕು ಮನದ ಒಡೆಯನಾದೆ
ಸ್ವಾರ್ತ ಮನದ ಬಂದಿಯಾದೆ
ಹಗಲುಗನಸಲಿ ಸಿಲುಕಿ ನರಳಿದೆ
ಅಶಾಂತ ಸುಳಿಗೆ ಜಗವು ಸಿಲುಕಿದೆ
ಹಿರಿಯರ ಹಿತನುಡಿಗಳ ಮರೆತು
ನೀನು ತಪ್ಪು ಮಾಡಿದೆ
( ಚಿತ್ರ ಸೆಲೆ: mindfulmuscle.com )
ಇತ್ತೀಚಿನ ಅನಿಸಿಕೆಗಳು