ಮಕ್ಕಳಿಗಾಗಿ ಚುಟುಕು ಕವಿತೆಗಳು
*** ಆಣೆಕಲ್ಲು ***
ರಪರಪ ರಪರಪ ಉದುರಿ ಬಿದ್ದರೆ
ಬಣ್ಣದ ಆಣೆಕಲ್ಲು
ನೆಲದಲ್ಲಾಗ ಮೂಡಿಬಿಡುತಿತ್ತು
ಚಂದದ ಕಾಮನ ಬಿಲ್ಲು
*** ಗುಬ್ಬಿ ರೆಕ್ಕೆ ***
ವಿಮಾನದಂತಹ ದೊಡ್ಡಾವು ಎರಡು
ಇದ್ದರೆ ಗುಬ್ಬಿಗೆ ರೆಕ್ಕೆ
ಪುರ‍್ರಂತ ಹಾರಿ ಹೋಗಿಬಿಡತಿತ್ತು
ಚಂದ್ರ-ಮಂಗಳ ಲೋಕಕ್ಕೆ
*** ಕಣ್ಣಾ ಮುಚ್ಚಾಲೆ ***
ಚುಕ್ಕಿ ಚಂದ್ರರು ಆಡುವರೇನು
ಕಣ್ಣಾ ಮುಚ್ಚಾಲೆ
ಹಗಲಲಿ ಅವರು ಏನು ಮಾಡುತ್ತಾರೆ
ಹೇಳು ಈಗಲೆ
*** ಸಿಕ್ಸರು – ಸೋಲಾರು ***
ತುಂಟ ಅಂದು ಹೊಡೆದು ಬಿಟ್ಟಿದ್ದ
ಎಂಟತ್ತು ಬಾಲಿಗು ಸಿಕ್ಸರು
ಬಾನಲ್ಲಿಂದು ಕಾಣುವದಲ್ಲ
ಹೊಸದೆ ಒಂದು ಸೋಲಾರು
*** ಟ್ಯೂಶನ್ ***
ಟ್ಯೂಶನ್ ಶಾಲೆಗೆ ಹೆದರಿದ ಮಕ್ಕಳು
ಬಾನಲಿ ಚುಕ್ಕಿ ಆಗ್ಯಾರ
ಮುಗಿಲಲಿ ಇರುವ ಬಟ್ಟ ಬಯಲಿನ
ಚಂದ್ರನ ಶಾಲೆ ಸೇರ‍್ಯಾರ
(ಚಿತ್ರ ಸೆಲೆ: pixabay.com)
ಇತ್ತೀಚಿನ ಅನಿಸಿಕೆಗಳು