ಕವಿತೆ: ಕಾಯುತ್ತಿದೆ ನೋವು
– ವಿನು ರವಿ.
ಎದೆಯಾಳದಲ್ಲೊಂದು
ಹೇಳಲಾಗದ ನೋವು
ಬಾವನೆಗಳ ತೀರದ ಒಲವು
ಕಣ್ಣಂಚಿನ ಕೊನೆಯಲಿ
ಇಳಿದ ಕಂಬನಿ
ಗಂಟಲು ಹಿಡಿದ ನೋವಿನ ದನಿ
ಸಮಾದಾನ ಹೇಳಿ
ರಮಿಸುತ್ತಿದೆ ಮನಸು
ಹೇಳು ಯಾರಿಗಿಲ್ಲ ನೋವು
ಕೊಡಲೇನು ಪ್ರೀತಿ ಶಾಂತಿ
ಸಾಂತ್ವನದ ಕಾಣಿಕೆ
ಬಚ್ಚಿಡು ಸುಮ್ಮನೆ
ಎಶ್ಟು ಹೇಳಿದರೂ
ಎದೆಯೊಳಗೆ ಹುದುಗಿ
ಮರೆಯಾಗದೆ
ಮತ್ತೆ ಮತ್ತೆ ಬಾವನೆಗಳ
ಮುದುಡಿಸುತ್ತಿದೆ
ಕಾಣದೂರಿಗೊಂದು ಕಾಗದ ಹಾಕಿ
ಕರೆಗಾಗಿ ಕಾಯುತ್ತಿದೆ
ನೋವು ಕಾಯುತ್ತಿದೆ
(ಚಿತ್ರ ಸೆಲೆ: pixabay.com)
ತುಂಬ ಚೆನ್ನಾಗಿದೆ