ಕವಿತೆ : ಹೊಸ ವರುಶವ ಸ್ವಾಗತಿಸೋಣ
ಕಹಿ ನೆನಪುಗಳ ಸುಟ್ಟು
ಸಿಹಿ ಬಾವನೆಗಳ ನೆಟ್ಟು
ಹೊಂಗನಸುಗಳ ನನಸಾಗಿಸುವತ್ತ ಹೆಜ್ಜೆ ಹಾಕೋಣ
ಹುಣ್ಣಿಮೆಯ ಹೊಂಬಣ್ಣದಂತೆ
ಹೊಳೆವ ರವಿಯ ರಶ್ಮಿಯಂತೆ
ಬಾಳನ್ನು ಬಂಗಾರವಾಗಿಸುವತ್ತ ಹೆಜ್ಜೆ ಹಾಕೋಣ
ಬೇಸರಕ್ಕೆ ಬೇಲಿ ಹಾಕಿ
ನಿರಾಶೆಗೆ ಬೇಡಿ ಹಾಕಿ
ವಾಸ್ತವದ ಬದುಕಿನೆಡೆಗೆ ಹೆಜ್ಜೆ ಹಾಕೋಣ
ಸವಾಲುಗಳ ಎದುರಿಸಿ
ಗೆಲುವಿನ ಕಿರೀಟ ಮುಡಿಗೇರಿಸಿ
ಉತ್ಸಾಹದ ಆಶಾವಾದಿಗಳಾಗುವತ್ತ ಹೆಜ್ಜೆ ಹಾಕೋಣ
ಬೊಗಸೆ ತುಂಬಾ ನಗುವನಿಟ್ಟು
ಕಣ್ಣಂಚಿನಲ್ಲಿ ಅಳುವ ಬಚ್ಚಿಟ್ಟು
ಸಂತಸವ ಹಂಚುವತ್ತ ಹೆಜ್ಜೆ ಹಾಕೋಣ
ಹಳೆಯ ವರ‍್ಶಕ್ಕೆ ವಿದಾಯ ಹೇಳುತ್ತಾ
ಹೊಸವರ‍್ಶವ ಸ್ವಾಗತಿಸುತ್ತಾ
ಹೊಸ ಹುರುಪಿನಿಂದ ಹೊಸ ಜೀವನದತ್ತ ಹೆಜ್ಜೆ ಹಾಕೋಣ
ನಾವು ಹೆಜ್ಜೆ ಹಾಕೋಣ
( ಚಿತ್ರ ಸೆಲೆ: pixabay.com )
ಇತ್ತೀಚಿನ ಅನಿಸಿಕೆಗಳು