ಕವಿತೆ: ನನ್ನೊಲವೆ
ನಿನ್ನ ಕಾಲ್ಬೆರಳಿಗೆ
ಕಾಲುಂಗುರ ತೊಡಿಸಿ
ನಿನ್ನ ಕಾಲ್ಗೆಜ್ಜೆಗಳ
ನಾದಕ್ಕೆ ತಲೆದೂಗುವೆ
ನಿನ್ನ ಬರಸೆಳೆದು
ಅರೆಗಳಿಗೆ ಬಿಡದೆ
ನನ್ನ ತೋಳುಗಳಲ್ಲಿ
ಬಿಗಿದಪ್ಪಿ ಮುದ್ದಾಡುವೆ
ನಿನ್ನ ಕಂಗಳೊಳಗೆ
ಕಾಣುವ ಬಿಂಬ ನಾನಾಗಿ
ನಿನ್ನ ಸ್ಮ್ರುತಿ ಪಟಲದಲಿ
ಚಿರಸ್ತಾಯಿಯಾಗುವೆ
ನಿನ್ನ ಮಡಿಲೊಳಗೆ
ಮಗುವಾಗಿ ಮಲಗಿ
ನಿನ್ನೊಲವ ಮಾತಿನ
ಜೋಗುಳವ ಕೇಳುವೆ
ನಿನ್ನ ಕಿರು ಬೆರಳನು
ಹಿಡಿದು ಏಳುಬೀಳಿನ
ಹಾದಿಯಲಿ ಜೊತೆಗೆ
ನಗಿಸುತ ನಡೆಯುವೆ
ನನ್ನ ಹ್ರುದಯದ
ಮಂದಿರದೊಳಗೆ
ನಿನ್ನಿಟ್ಟುಕೊಂಡು
ನಿತ್ಯ ಪೂಜಿಸುವೆ
ನಿನ್ನುಸಿರಿನಲಿ
ನನ್ನ ಹೆಸರಿರುವಾಗ
ನನ್ನುಸಿರಿನಲಿ
ನಿನ್ನ ಹೆಸರ ಉಸಿರಾಡುವೆ
(ಚಿತ್ರ ಸೆಲೆ: pxhere.com)
ತುಂಬ ಚೆನ್ನಾಗಿದೆ ಸರ್. ನನ್ನ ಉಸಿರಿನಲಿ ನಿನ್ನ ಹೆಸರ ಉಸಿರಾಡುವೆ .. ??
ಹೃತ್ಪೂರ್ವಕ ಧನ್ಯವಾದಗಳು ಸರ್