ಕವಿತೆ: ನೀರ ಮೇಲಿನ ಗುಳ್ಳೆ
– ಮಹೇಶ ಸಿ. ಸಿ.
ನೀರ ಮೇಲಿನ ಗುಳ್ಳೆಯಂತಿಹುದು
ನಮ್ಮ ಬದುಕಿನ ಹೋರಾಟ
ಕಶ್ಟ ಸುಕಗಳನು ಗೆಲ್ಲೋ ತಾಳ್ಮೆಯೆ
ನಮ್ಮ ಜೀವನದ ದೊಂಬರಾಟ
ಬಡವ-ಬಲ್ಲಿದ ಮೇಲು-ಕೀಳೆಂಬ
ನಾಲ್ಕು ದಿನಗಳ ಕಿರುಚಾಟ
ನಾನು ನನದೆಂಬ ಸ್ವಾರ‍್ತದ ನಡುವೆ
ದಿನವು ನಡೆಯುತಿದೆ ಹೊಡೆದಾಟ
ಹೊತ್ತು ಕೂಳಿಗೂ ಅಲೆಯೋ ಜೀವಿಗಳ
ಬದುಕೇ ಒಂದು ಪರದಾಟ
ಬಡವನ ಮೇಲೆ ಸವಾರಿ ಮಾಡುತ
ನೋಡು ಉಳ್ಳವರ ಮೆರೆದಾಟ
ಬೆಂಕಿ ಹಚ್ಚದಿರು ನಾಲ್ಕಾರು ಮಂದಿಯ
ತಲೆ ಬೀಳುವಂತೆ ಬಡಿದಾಟ
ಸಾದ್ಯವಾದರೆ ಮೂಡಿಸಬೇಕು ಮುಗ್ದ
ಮನಗಳ ಮೊಗದಲಿ ನಗೆಯಾಟ
ಸ್ರುಶ್ಟಿ ಜೀವಿಗಳು ನರಳುವಂತೆ ಮಾಡುವ
ಕ್ರೂರ ಬುದ್ದಿಯ ಮನುಜನಾಟ
ಅವರವರ ಪಾಲಿನ ಸಮಯ ಮುಗಿಯಲು
ಬುವಿಯಲಿ ಸ್ರುಶ್ಟಿಯದೇ ಆಟ
(ಚಿತ್ರ ಸೆಲೆ: 8-principles-of-life )
ಇತ್ತೀಚಿನ ಅನಿಸಿಕೆಗಳು