ಸಿಹಿ ಪ್ರಿಯರಿಗೆ ಗೋದಿ ಹುಗ್ಗಿ

– ಸವಿತಾ.

ಬೇಕಾಗುವ ಪದಾರ‍್ತಗಳು:

• 1/4 ಕೆಜಿ ಪಾಲಿಶ್ ಮಾಡಿದ ಗೋದಿ
• 1/4 ಕೆಜಿ ಬೆಲ್ಲ
• 1 ಚಮಚ ಗಸಗಸೆ
• 8 ಏಲಕ್ಕಿ
• 2 ಲವಂಗ
• 1/4 ಬಾಗ ಜಾಯಿಕಾಯಿ
• 2 ಚಮಚ ಒಣ ಕೊಬ್ಬರಿ ತುರಿ
• 6 ಗೋಡಂಬಿ

ಮಾಡುವ ಬಗೆ:

• ಗೋದಿಯನ್ನು ಹಿಂದಿನ ದಿನ ರಾತ್ರಿ ನೀರಲ್ಲಿ ನೆನೆ ಇಡುವುದು.
• ಮರುದಿನ ಬೆಳಿಗ್ಗೆ ಕುಕರ್ ನಲ್ಲಿ ಗೋದಿಗೆ 6 ಲೋಟ ನೀರು ಹಾಕಿ 12 ವಿಶಲ್ ಕೂಗಿಸಿರಿ.
• ಆರಿದ ನಂತರ ಗೋದಿಯನ್ನು, ಕೈಯಿಂದ ಅತವಾ ಬೇಳೆ ಅರಿಯುವ ಕಟ್ಟಿಗೆ ಚಮಚದಿಂದ ಮಸೆಯಿರಿ.
• ಬೆಲ್ಲ ಸೇರಿಸಿ ಒಲೆ ಮೇಲೆ ಕುದಿಯಲು ಇಡಿ.
• ಬೆಲ್ಲ ಕರಗಿ ನೀರಾಗಿ ಗೋದಿ ಜೊತೆ ಹೊಂದಲು ಒಂದು ಕುದಿ ಕುದಿಸಿ.
• ಗಸಗಸೆ, ಏಲಕ್ಕಿ, ಲವಂಗ, ಜಾಯಿಕಾಯಿ ಸ್ವಲ್ಪ ಹುರಿದು ಪುಡಿ ಮಾಡಿ ಹಾಕಿ.
• ಒಣಕೊಬ್ಬರಿ ತುರಿ ಹಾಕಿ ಕೈಯಾಡಿಸಿ.
• ಗೋಡಂಬಿಯಿಂದ ಅಲಂಕರಿಸಿ ಗೋದಿ ಹುಗ್ಗಿ ತಿನ್ನಲು ಕೊಡಿ.