ಮೊಟ್ಟೆ ಬಿರಿಯಾನಿ
ಏನೇನು ಬೇಕು
- ಈರುಳ್ಳಿ – 3
- ಟೊಮೆಟೋ – 3
- ಹಸಿ ಮೆಣಸಿನಕಾಯಿ – 5
- ಪುದೀನ – ಸ್ವಲ್ಪ
- ಮೊಟ್ಟೆ – 4
- ಕೊತ್ತಂಬರಿ ಸೊಪ್ಪು – ಸ್ವಲ್ಪ
- ಮೆಂತ್ಯ ಸೊಪ್ಪು – ಸ್ವಲ್ಪ
- ಪಲಾವ್ ಎಲೆ – 2
- ಏಲಕ್ಕಿ – 2
- ಚಕ್ಕೆ – ಸಣ್ಣ ಚೂರು
- ಲವಂಗ – 2
- ಅಡುಗೆ ಎಣ್ಣೆ – ಸ್ವಲ್ಪ
- ಅಕ್ಕಿ – 1 ಲೋಟ
- ಅರಿಶಿಣದ ಪುಡಿ – ½ ಚಮಚ
- ಶುಂಟಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ – 2 ಚಮಚ
- ಕೊತ್ತಂಬರಿ ಬೀಜದ ಪುಡಿ (ದನಿಯಾ ಪುಡಿ) – ಸ್ವಲ್ಪ
- ಗರಂ ಮಸಾಲೆ – ಸ್ವಲ್ಪ
ಮಾಡುವ ಬಗೆ
ಮೊಟ್ಟೆಯನ್ನು ಬೇಯಿಸಿ, ಸಿಪ್ಪೆ ತೆಗೆಯಿರಿ. ಬೇಯಿಸಿದ ಮೊಟ್ಟೆಯನ್ನು ಚಿಕ್ಕ ಚೂರುಗಳಾಗಿ ಕತ್ತರಿಸಿ, ಒಳಗಿನ ಹಳದಿ ಬಾಗವನ್ನು ತೆಗೆದು, ಬಿಳಿ ಬಾಗವನ್ನು ಮಾತ್ರ ಉಳಿಸಿಕೊಳ್ಳಿ.
5 ಹಸಿ ಮೆಣಸಿನಕಾಯಿ, ಬಿಡಿಸಿಟ್ಟುಕೊಂಡಿದ್ದ ಪುದೀನ, ಕೊತ್ತಂಬರಿ ಸೊಪ್ಪು ಹಾಗು ಮೆಂತ್ಯ ಸೊಪ್ಪು ಹಾಕಿ ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ (ನೀರು ಸೇರಿಸಬಾರದು) ತೆಗೆದಿಡಿ. ಇನ್ನೊಂದು ಜಾರ್ ಗೆ 3 ಟೊಮೆಟೋ ಹಾಕಿ ರುಬ್ಬಿ ಪೇಸ್ಟ್ ಮಾಡಿಕೊಳ್ಳಿ.
ಒಂದು ಕುಕ್ಕರ್ ಗೆ 5 ಚಮಚ ಅಡುಗೆ ಎಣ್ಣೆ ಹಾಕಿ. ಎಣ್ಣೆ ಕಾದ ಮೇಲೆ ಏಲಕ್ಕಿ, ಪಲಾವ್ ಎಲೆ ಹಾಗೂ ಲವಂಗ ಮತ್ತು ಕತ್ತರಿಸಿಟ್ಟುಕೊಂಡಿದ್ದ ಈರುಳ್ಳಿ ಹಾಕಿ ಚೆನ್ನಾಗಿ ಹುರಿಯಿರಿ. ಇದಕ್ಕೆ ½ ಚಮಚ ಅರಿಶಿಣದ ಪುಡಿ ಸೇರಿಸಿ. ಈಗ 2 ಚಮಚ ಶುಂಟಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಹಾಗೂ ಟೊಮೆಟೋ ಪೇಸ್ಟ್ ಸೇರಿಸಿ. ಸ್ವಲ್ಪ ಹೊತ್ತು ಬಿಟ್ಟು ರುಬ್ಬಿಟ್ಟಿದ್ದ ಹಸಿ ಮೆಣಸಿನಕಾಯಿ, ಪುದೀನ, ಕೊತ್ತಂಬರಿ ಸೊಪ್ಪು ಮತ್ತು ಮೆಂತ್ಯ ಸೊಪ್ಪಿನ ಮಿಶ್ರಣವನ್ನು ಸೇರಿಸಿ 2 ನಿಮಿಶ ಹುರಿಯಿರಿ. ಇದಕ್ಕೆ ಕೊತ್ತಂಬರಿ ಬೀಜದ ಪುಡಿ ಹಾಗೂ ಗರಂ ಮಸಾಲೆ ಸೇರಿಸಿ. ಕಾರ ಹೆಚ್ಚು ಬೇಕಿದ್ದರೆ ಕೆಂಪು ಕಾರದ ಪುಡಿ (ರೆಡ್ ಚಿಲ್ಲಿ ಪೌಡರ್) ಸೇರಿಸಬಹುದು.
ಈಗ ಕತ್ತರಿಸಿಟ್ಟುಕೊಂಡಿದ್ದ ಮೊಟ್ಟೆಯ ಬಿಳಿ ಬಾಗವನ್ನು ಸೇರಿಸಿ 3 ನಿಮಿಶ ಹುರಿಯಿರಿ. ಇದಕ್ಕೆ ನೆನೆಸಿಟ್ಟ ಅಕ್ಕಿಯನ್ನು ಸೇರಿಸಿ ಅದಕ್ಕೆ ತಕ್ಕಂತೆ ನೀರು ಸೇರಿಸಿ ಕುಕ್ಕರ್ ಮುಚ್ಚಿ 2 ಕೂಗು (ವಿಶಲ್) ಕೂಗಿಸಿ. ಈಗ ಮೊಟ್ಟೆ ಬಿರಿಯಾನಿ ಸವಿಯಲು ರೆಡಿ.
ಇತ್ತೀಚಿನ ಅನಿಸಿಕೆಗಳು