ಕವಿತೆ: ಕೆಲಸ ಕೊಡಿ

– ವೆಂಕಟೇಶ ಚಾಗಿ.

ನಾನು ಶಕ್ತಿ ಇಲ್ಲದ ಬಡವನಲ್ಲ
ಕೆಲಸವಿಲ್ಲದ ಬಡವ
ದುಡಿಯುವ ಉತ್ಸಾಹ
ಗಳಿಸುವ ಚಲ
ಸಾದಿಸುವ ಹಂಬಲ
ಎಲ್ಲವೂ ಇದೆ ನನ್ನೊಳಗೆ
ಕೆಲಸ ಕೊಡಿ ಉಚಿತವಲ್ಲ

ಬೆಳೆದ ಬೆಳೆಗೆ ಬೆಲೆ ಇಲ್ಲ
ಬದುಕಿಗೆ ನೆಲೆ ಇಲ್ಲ
ಕ್ಶಣ ಹೊತ್ತಿನ ಹಸಿವು
ನೀಗಿಸಿದರೆ ಏನು ಪಲ
ರಟ್ಟೆಯೊಳಗಿನ ಶಕ್ತಿ ಕೊಂದುತ್ತಿದೆ
ಶ್ರಮಕ್ಕೆ ತಕ್ಕ ಬೆಲೆ ಇಲ್ಲ
ಕೆಲಸ ಕೊಡಿ ಉಚಿತವಲ್ಲ

ನನಗೆ ಗೊತ್ತು
ನೀವು ಕೆಲಸ ಕೊಡುವ ದನಿಕರಲ್ಲ
ಎಲ್ಲರಿಗೂ ಕೆಲಸ ಕೊಡುವ
ಕಜಾನೆ ನಿಮ್ಮೊಳಗಿಲ್ಲ
ಕೆಲಸವನ್ನು ನಾವೇ ಹುಡುಕುವೆವು
ವಿದ್ಯೆ ಕೊಡಿ ಉಚಿತವಾಗಿ
ಆರೋಗ್ಯ ಕೊಡಿ ಉಚಿತವಾಗಿ
ಇಲ್ಲದಿದ್ದರೆ ಕೆಲಸ ಕೊಡಿ ಉಚಿತವಲ್ಲ

ನನ್ನ ಅಜ್ಜನು ಬಡವ
ನನ್ನ ಅಪ್ಪನೂ ಬಡವ
ಈಗ ನಾನು ಬಡವ
ಬಡತನ ನಿಲ್ಲುವುದು ಹೇಗೆ
ಕೆಲಸ ಹುಟ್ಟಿಸುವ ಬೀಜ ಬಿತ್ತಿ
ಕಾಲಹರಣದ ಕಳೆ ಕೀಳಿಬಿಡಿ
ಸ್ವಾಬಿಮಾನವ ಉಚಿತ ಕೊಡಿ
ಇರುವ ಕೆಲಸವನ್ನು ಕೀಳಬೇಡಿ
ಇಲ್ಲದಿದ್ದರೆ ಕೆಲಸ ಕೊಡಿ ಉಚಿತವಲ್ಲ

(ಚಿತ್ರ ಸೆಲೆ: 8-principles-of-life )